Jamiyat

Foydalanilmagan aviachiptalar uchun mablagʻni qaytarish soddalashtiriladi - Uzbekistan Airways

© SputnikPassajir derjit posadochnыy talon v mejdunarodnom aeroportu "Zvartnots".
Passajir derjit posadochnыy talon v mejdunarodnom aeroportu Zvartnots. - Sputnik Oʻzbekiston, 1920, 29.09.2022
Obuna boʻlish
NovostiTelegram
Ayni paytda “Uzbekistan Airways”da bu boradagi barcha jarayonlarni soddalashtirish boʻyicha tizimli ishlar olib borilmoqda
TOSHKENT, 29 sen — Sputnik. Tez orada “Uzbekistan Airways” aviakompaniyasi saytida foydalanilmagan yoki qisman foydalanilgan aviachiptalar uchun pul mablagʻini qaytarishning soddalashtirilgan funktsiyasidan foydalanish yoʻlga qoʻyiladi.
Kompaniya axborot xizmati ijtimoiy tarmoqlarda chop etilgan aviachipta pulini qaytarish toʻgʻrisidagi xabarlar boʻyicha rasmiy maʼlumot eʼlon qildi.
Qayd etilishicha, aviakompaniyaning rasmiy saytida chipta pulini qaytarib berishni rasmiylashtirishda yoʻlovchining shaxsiy maʼlumotlari, xizmat koʻrsatuvchi bank toʻgʻrisidagi maʼlumotlar va aviachipta maʼlumotlarini kiritish talab etiladi.
Foydalanilmagan aviachipta uchun pulni qaytarib berish shakli Oʻzbekiston hududida faoliyat olib borayotgan banklarining talablariga muvofiq ishlab chiqilgan va ushbu maʼlumotlarni kiritmasdan, pulni qaytarish boʻyicha aviakompaniyaning moliyaviy koʻrsatmasi koʻrib chiqilmaydi.

“Ayni paytda aviakompaniyada bu boradagi barcha jarayonlarni soddalashtirish boʻyicha tizimli ishlar olib borilmoqda”, - deyiladi xabarda.

Taʼkidlanishicha, bank toʻlov tizimlari tomonidan dasturiy taʼminotning takomillashtirilishi aviachiptani qaytarish shaklini toʻldirishni sezilarli darajada soddalashtiradi va barcha axborot xavfsizligi talablariga rioya qilgan holda, toʻlov tizimlarining xalqaro standartlarga muvofiq uzluksiz ishlashini taʼminlaydi.
Maʼlumot uchun, bugungi kunda aviakompaniya yoʻlovchilari foydalanilmagan aviachipta uchun pul mablagʻini qaytarishni chipta sotib olingan joyda - aviakompaniyaning rasmiy saytida, Uzbekistan Airways Sales filialida va aviakompaniyaning chet eldagi vakolatxonalarida rasmiylashtirishlari mumkin.
Yangiliklar lentasi
0