Jamiyat

Termizdan Pokistonga insonparvarlik yordami joʻnatildi

© IA "Dunyo"Samolyot Ministerstva oboronы Uzbekistana
Samolyot Ministerstva oboronы Uzbekistana - Sputnik Oʻzbekiston, 1920, 29.09.2022
Obuna boʻlish
NovostiTelegram
Insonparvarlik koʻmagi tarkibida vaqtincha yashash uchun moʻljallangan turar-joy modullari bor. Yordamni Oʻzbekiston hukumati va BMT Qochqinlar boʻyicha Oliy komissari boshqarmasi koʻrsatgan.
TOSHKENT, 29 sen — Sputnik. 29 sentyabr kuni ertalab Toshkentdan Karachiga Pokistondagi halokatli suv toshqinidan jabrlanganlarga insonparvarlik yordami ortilgan Oʻzbekiston Mudofaa vazirligi samolyoti uchib ketdi.
“Dunyo” AA xabariga koʻra, insonparvarlik yordami Oʻzbekiston hukumati va BMT Qochqinlar boʻyicha Oliy komissari boshqarmasi tomonidan koʻrsatilgan. Bu birinchi qoʻshma insonparvarlik yordamidir.
Insonparvarlik koʻmagi tarkibi suv toshqinlari oqibatida oʻz boshpanalaridan ayrilganlar uchun 15 tonnadan ortiq hajmdagi vaqtincha yashash uchun moʻljallangan turar-joy modullaridan iborat.
Eslatib oʻtamiz, Oʻzbekiston 1 sentyabr kuni Pokistonga 40 tonnadan ortiq insonparvarlik yordami joʻnatgan edi. Uning tarkibidan oʻsimlik yogʻi, un, guruch, goʻsht konservalari, qandolat va makaron mahsulotlari, shuningdek toʻqimachilik mahsulotlari va boshqa tovarlar oʻrin olgan edi.
Bundan tashqari, prezident Shavkat Mirziyoyev Shanxay hamkorlik tashkiloti mamlakatlari nomidan xalqaro hamjamiyatni Pokistondagi suv toshqinlarining salbiy oqibatlarini bartaraf etish uchun ushbu mamlakatga imkon boricha gumanitar yordam koʻrsatishga chaqirgan edi.
Pokistondagi kuchli suv toshqinlari oqibatlari - foto
Yangiliklar lentasi
0