Dunyoda

Yaponiya bosh vaziri Rossiya bilan tinchlik shartnomasi tuzmoqchiligini maʼlum qildi

© AFP 2023 / Mandel NGANFlag Yaponii
Flag Yaponii - Sputnik Oʻzbekiston, 1920, 03.10.2022
Obuna boʻlish
NovostiTelegram
Fumio Kisida Yaponiya hududiy muammoni hal qilish va tinchlik shartnomasini tuzish yoʻnalishiga qatʼiy amal qilishini taʼkidladi.
TOSHKENT, 3 okt — Sputnik. Yaponiya hukumati ikki tomonlama munosabatlar yomonlashganiga qaramay, Rossiya bilan tinchlik shartnomasini tuzishga qaratilgan yoʻnalishni davom ettiradi. Bu haqda Yaponiya bosh vaziri Fumio Kisida maʼlum qildi.
“Ukrainadagi vaziyat tufayli Rossiya-Yaponiya munosabatlari ogʻir ahvolda, biroq biz hududiy muammoni hal qilish va tinchlik shartnomasini tuzish yoʻnalishiga qatʼiy amal qilamiz”, dedi u.
Rossiya va Yaponiya oʻrtasidagi munosabatlar Ikkinchi jahon urushidan keyin davlatlarning tinchlik shartnomasi imzolamagani tufayli xira boʻlib qolmoqda. Tokio 1855 yildagi Savdo va chegaralar toʻgʻrisidagi ikki tomonlama bitimga tayanib daʼvo qilayotgan Janubiy Kuril orollari masalasi asosiy toʻsiq boʻlib qolmoqda.
1956 yilda SSSR va Yaponiya Qoʻshma deklaratsiya qabul qildilar, unda Moskva tinchlik shartnomasi tuzilgandan soʻng, Xabomai va Shikotanni Yaponiyaga topshirish imkoniyatini koʻrib chiqishga rozi boʻldi. Bu Kunashir va Iturupning taqdiriga taʼsir qilmadi. Biroq, keyingi muzokaralar hech narsaga olib kelmadi.
Moskvaning pozitsiyasi shundan iboratki, orollar Ikkinchi jahon urushidan keyin SSSR tarkibiga kirdi va Rossiyaning ular ustidan suvereniteti shubhasiz.
Yangiliklar lentasi
0