Amir Temur haqida o‘zbek tilidagi eng eski qo‘lozma aniqlandi

© Respublika ma’naviyat va ma’rifat markaziEski qo‘lozma
Eski qo‘lozma  - Sputnik O‘zbekiston, 1920, 09.10.2022
Obuna bo‘lish
Dushanbedan topilgan bu noyob qo‘lozmaning nusxasini O‘zbekistonga keltirib, taniqli tarixchi va manbashunos olimlarimiz yordamida chuqur tadqiq etish rejalashtirilgan.
TOShKENT, 9 okt — Sputnik. Buyuk sohibqiron Amir Temurning hayoti va faoliyati haqida o‘zbek tilida bitilgan eng eski qo‘lozma aniqlandi. Bu haqida Respublika ma’naviyat va ma’rifat markazi xabar berdi.
Navoiyshunos olim Badriddin Maqsudovning aytishicha, kitobni Amir Temur haqida yozilgan va shu paytga qadar yetib kelgan turkiy qo‘lozmalarning hozircha eng qadimiysi deyish mumkin.
Ayni paytga qadar Amir Temur haqida bitilgan turkiy asarlarning eng qadimiysi 1713-yilda yaratilgan.
Kitobning xotimasida qo‘lozma hijriy 1027-yil rajab oyi sanasi qayd etilgan. Bu 1618-yilning iyun-iyul oylariga to‘g‘ri keladi. Bu asarning ko‘chirilgan sanasi ekanligi va asar undan ham avval yozilgan bo‘lishi mumkinligi aytilmoqda. Unda asarning yoshi yanada "ulg‘ayadi".
© Respublika ma’naviyat va ma’rifat markaziEski qo‘lozma
Eski qo‘lozma  - Sputnik O‘zbekiston, 1920, 09.10.2022
Eski qo‘lozma
Hozircha qo‘lozma kimning qalamiga mansub ekani, kim tomonidan, qayerda ko‘chirilgani ma’lum emas.
O‘zbekiston madaniy merosini saqlash, o‘rganish va ommalashtirish bo‘yicha Butunjahon jamiyati boshqaruvi raisi Firdavs Abduxoliqovning aytishicha, Dushanbedan topilgan bu noyob qo‘lozmaning nusxasini O‘zbekistonga keltirib, taniqli tarixchi va manbashunos olimlarimiz yordamida chuqur tadqiq etish rejalashtirilgan.
Yangiliklar lentasi
0