Britaniya qiroli Rishi Sunakni bosh vazir etib tayinladi

© AP Photo / Aaron ChownKorol Karl III i Rishi Sunak vo vremya vstrechi
Korol Karl III i Rishi Sunak vo vremya vstrechi - Sputnik O‘zbekiston, 1920, 25.10.2022
Obuna bo‘lish
42 yoshli Rishi Sunak Buyuk Britaniyaning so‘nggi ikki asrdagi eng yosh bosh vaziri bo‘ldi.
TOShKENT, 25 okt — Sputnik. Buyuk Britaniya qiroli Charlz III Rishi Sunakni bosh vazir etib tayinladi va unga hukumatni shakllantirishni topshirdi, deb xabar bermoqda Sky News telekanali.
“Rishi Sunak Bukingemsaroyida qirol qabuli bo‘lgandan so‘ng rasman bosh vazir bo‘ldi”, - deyiladi xabarda.
Kuni kecha Sunak Buyuk Britaniyaning Konservatorlar partiya rahbari etib saylangan edi. Jamoatlar palatasi raisi Penni Mordont Sunak foydasiga o‘z nomzodini qaytarib olgandan so‘ng u bu lavozimga yagona nomzod bo‘ldi.
Sobiq moliya vaziri, 42 yoshli Rishi Sunak Buyuk Britaniyaning so‘nggi ikki asrdagi eng yosh bosh vaziri bo‘ldi.
2022 yil iyulida davomli mojarolar ortidan uch yil davomida Britaniya bosh vaziri bo‘lib kelgan Boris Jonson iste’foga chiqqandi. Sentabr oyida Konservatorlar partiyadagi saylov natijalariga ko‘ra sobiq tashqi ishlar vaziri Liz Trass Buyuk Britaniya hukumatining yangi rahbari bo‘ldi. Trass bosh vazirligida e’lon qilgan iqtisodiy islohotlar muvaffaqiyatsizlikka uchradi va u 45 kun o‘tib iste’foga chiqishini ma’lum qildi.
Yangiliklar lentasi
0