O‘zbekistonlik tadbirkorlar Qozog‘istondagi davlat xaridlarida ishtirok etishi mumkin

© Investitsiyalar va tashqi savdo vazirligiInvestitsiyalar va tashqi savdo vaziri Jamshid Xodjayev boshchiligidagi delegatsiya
Investitsiyalar va tashqi savdo vaziri Jamshid Xodjayev boshchiligidagi delegatsiya - Sputnik O‘zbekiston, 1920, 28.10.2022
Obuna bo‘lish
Investitsiyalar va tashqi savdo vaziri Jamshid Xodjayev boshchiligidagi delegatsiya Qozog‘iston hukumat a’zolari bilan uchrashdi.
TOShKENT, 28 okt — Sputnik. O‘zbekiston va Qozog‘iston o‘rtasida go‘sht mahsulotlarini yetkazib berish tartibi soddalashtiriladi. Bu haqida Investitsiyalar va tashqi savdo vaziri Jamshid Xodjayev boshchiligidagi delegatsiyaning Qozog‘iston hukumat a’zolari bilan uchrashuvi chog‘ida ma’lum qilindi.
Qozog‘iston bosh vaziri Alixan Smailov bilan uchrashuvda ikki mamlakat o‘rtasidagi ko‘p qirrali hamkorlikning dolzarb masalalari muhokama qilindi.
Uchrashuvda Xalqaro sanoat kooperatsiyasi markazini (XSKM) tashkil etish, shuningdek, qo‘shma investitsiya loyihalarini, jumladan, Qozog‘istonga yuqori darajadagi tashrif yakunlari bo‘yicha “Yo‘l xaritasi” bilan tasdiqlangan umumiy qiymati 3,3 milliard dollarlik 34 ta loyiha va 37 ta yangi 2,5 mlrd dollarlik loyihalar amalga oshirishning dolzarb masalalari ko‘rib chiqildi.
Tasdiqlangan tarmoq jadvallari asosida loyihalarning texnik-iqtisodiy asoslarini tayyorlash va kelgusida hayotga joriy qilish, shuningdek, istiqbolli investitsiya loyihalarini markaz hududida joylashtirish yuzasidan ishlarni faollashtirish bo‘yicha kelishuvga erishildi.
Tomonlar quyidagi hamkorlikka kelishib olishdi:
O‘zbekistonlik ishlab chiqaruvchilarning Qozog‘istondagi davlat xaridlarida ishtirok etishi;
Ikki mamlakat eksportorlari tomonidan go‘sht va go‘sht mahsulotlarini o‘zaro yetkazib berishni soddalashtirish bo‘yicha aniq chora-tadbirlarni qabul qilish.
Uchrashuvlar bu yilgi Hududlar forumi hamda Hukumatlararo komissiya yig‘ilishini o‘tkazishning barcha tashkiliy masalalari ham ko‘rib chiqildi.
Yangiliklar lentasi
0