Jamiyat

Jazoni ijro etish muassasalarida saqlanayotgan xotin-qizlar kasb-hunarga oʻqitiladi

© Sputnik / Yekaterina Chesnokova / Mediabankka oʻtishProizvodstvo odejdы
Proizvodstvo odejdы - Sputnik Oʻzbekiston, 1920, 30.10.2022
Obuna boʻlish
NovostiTelegram
Ichki ishlar vazirligi xotin-qizlar muammolarini oʻrganish va hal etish tartibini belgilovchi qaror loyihasini ishlab chiqdi.
TOSHKENT, 30 okt — Sputnik. Jazoni ijro etish muassasalarida saqlanayotgan va jazo muddatini oʻtab boʻlgan xotin-qizlar kasb-hunarga oʻqitiladi. Ichki ishlar vazirligi tegishli qonun loyihasini ishlab chiqib, jamoatchilik muhokamasiga qoʻygan.
Hujjat loyihasida jazoni ijro etish muassasalarida saqlanayotgan, jazo muddatini oʻtab boʻlgan xotin-qizlarni muammolarini oʻrganish va hal etish tartibini belgilash nazarda tutilmoqda.
Shuningdek, jazoni ijro etish muassasalarida saqlanayotgan, probatsiya nazoratidagi va jazo muddatini oʻtab boʻlgan xotin-qizlarni mehnat bozorida raqobatbardosh kasb-hunar turlariga oʻqitish orqali ularni bandligini taʼminlash tartibi belgilanmoqda.
Unga koʻra, xotin-qizlar tikuvchilik, bichuvchilik, toʻquvchilik, kashtachilik, dizayner, sartarosh, pazandachilik kabi kasblarga oʻqitiladi.
Xotin-qizlarning muammolari quyidagi tartibda oʻrganadi:
xotin-qizlar murojaatlari tahlil qilinadi;
xotin-qizlar oʻrtasida soʻrovnoma oʻtkaziladi.
Bunda inspektorlar xotin-qizlar bilan suhbat oʻtkazib, ularning qanday faoliyat bilan shugʻullanishi, turmushga moslashishida qanday yordamga ehtiyoji borligini aniqlaydi.

Hujjat qabul qilinsa, xotin-qizlar orasida tadbirkorlikni oshirish va kambagʻallikni qisqartirish kutilmoqda. Shuningdek, ayollarni bandligini taʼminlash orqali ular tomonidan sodir etiladigan huquqbuzarliklarni oldini olish ham nazarda tutilgan.

Ogʻir ijtimoiy ahvolga tushib qolgan xotin-qizlarga ijtimoiy-huquqiy, psixologik yordam koʻrsatiladi.
Xotin-qizlarni kasb-hunarga oʻqitish bilan bogʻliq xarajatlar Bandlikka koʻmaklashish davlat jamgʻarmasi hisobidan amalga oshiriladi.
Yangiliklar lentasi
0