Ukrainalik qochqinlar Yevropada norozilik keltirib chiqarapti – NYT

© AP Photo / Virginia MayoDevushka s obodke v lentami v svet flaga Ukraini v Brussele
Devushka s obodke v lentami v svet flaga Ukraini v Brussele - Sputnik O‘zbekiston, 1920, 04.11.2022
Obuna bo‘lish
Yevropaga ukrainaliklar oqimi tufayli “inqiroz yuki davlatlar o‘rtasida ham, qochqinlarning o‘zlari o‘rtasida ham teng taqsimlanmagan”, deyiladi xabarda.
TOShKENT, 4 noya — Sputnik. Ukraina va boshqa mamlakatlardan kelgan qochqinlar o‘rtasidagi huquq tengsizligi Yevropada norozilik va mojarolarni keltirib chiqardi, deb yozmoqda “The New York Times”.
“Yevropa ukrainaliklarga avtomatik ravishda yashash uchun ruxsatnoma va vizalar bergani bois, ular qochqinlar uchun uy-joy olish va xizmat ko‘rsatishda birinchi o‘rinda. Ba’zi joylarda yashash sharoiti noqulay, boshqa mamlakatlardan boshpana olishga muhtojlar esa gavjum qabul markazlariga yig‘ilmoqda”, deyiladi maqolada.
Nashrning qo‘shimcha qilishicha, ukrainaliklar oqimi tufayli “inqiroz yuki davlatlar o‘rtasida ham, qochqinlarning o‘zlari o‘rtasida ham teng taqsimlanmagan”. Yevropaga qochgan Afg‘oniston va Suriya fuqarolari “hozirgi migratsiya inqirozining to‘liq og‘irligini his qilmoqda”.
Gazeta Afg‘onistondan kelgan Basharmal Muhammadiy haqida hikoya qiladi. U Belgiya qirollik saroyi yaqinida yana yetti nafar afg‘on bilan birga karton qutilarda o‘tirib, beton zinapoya ostida yashaydi.
“Yevropada ko‘chada shunday yashayman deb hech o‘ylamagandim. Mamlakatimiz 45-yildan beri urush holatida, shu yerda yaxshi hayotga erishaman deb o‘ylagandim”, deydi u.
Maqolada qayd etilishicha, ayrim nemis rahbarlari qochoqlar inqirozi iqtisodiy muammolar bilan birga kundalik hayotda qanchalik ko‘p sezilsa, bu migratsiyaga qarshi keskinlikni kuchaytiradi, deb qo‘rqadi.
“Hatto bir paytlar kutib olingan ukrainaliklar ham hozir biroz norozilik uyg‘otmoqda”, deya xulosa qiladi nashr.
Rossiya Donbassni himoya qilish uchun maxsus harbiy operatsiya boshlaganidan so‘ng, G‘arb unga qarshi sanksiyalar kiritdi, bu esa AQSh, Buyuk Britaniya va Yevropa Ittifoqining barcha davlatlari iqtisodiyotiga jiddiy zarba berib, yoqilg‘i va oziq-ovqat narxlarining oshishiga sabab bo‘ldi.
Birlashgan Millatlar Tashkilotining Qochqinlar bo‘yicha Oliy komissari boshqarmasi rasmiy ma’lumotlariga ko‘ra, 24-fevraldan 5-iyulgacha Ukrainani 8,8 millionga yaqin odam tark etgan.
Yangiliklar lentasi
0