Kuryer v Moskve. Arxivnoye foto - Sputnik Oʻzbekiston, 1920
Migratsiya

Oʻzbekistonda Peterburgning yirik ish beruvchilari ishtirokida mehnat yarmarkalari oʻtkaziladi

© Press-slujba gubernatora Sankt-PeterburgaDelegatsiya Sankt‑Peterburga vo glave s gubernatorom Aleksandrom Beglovыm v ramkax vizita v Respubliku Uzbekistan posetila Samarkandskiy monotsentr "Ishga marxamat"
Delegatsiya Sankt‑Peterburga vo glave s gubernatorom Aleksandrom Beglovыm v ramkax vizita v Respubliku Uzbekistan posetila Samarkandskiy monotsentr Ishga marxamat - Sputnik Oʻzbekiston, 1920, 09.11.2022
Obuna boʻlish
NovostiTelegram
Sankt-Peterburg gubernatori Samarqanddagi “Ishga marhamat” monomarkazi ishi bilan tanishdi.
TOSHKENT, 9 noya — Sputnik. 2023 yilda Oʻzbekistonda Sankt-Peterburgning yirik ish beruvchilari ishtirokida mehnat yarmarkalari oʻtkaziladi. Bu haqda Sankt-Peterburg shahri maʼmuriyati matbuot xizmati xabar berdi.
Sankt-Peterburg gubernatori Aleksandr Beglov boshchiligidagi delegatsiya Samarqandga tashrif doirasida u yerdagi “Ishga marhamat” monomarkaziga borgan. Markaz ishsiz fuqarolarni ishga, tadbirkorlikka jalb qilish, ularning mehnat faolligini oshirish va kasb-hunarga oʻqitishga koʻmaklashadi.
“Bugungi kunda mehnat va bandlik sohasida samarali hamkorlikni yoʻlga qoʻyish juda muhimdir. Samarqandda “Ishga marhamat” monomarkazi faoliyati bilan tanishdik. Biz bandlikni taʼminlash, fuqarolarni tadbirkorlikka jalb qilish, ularning mehnat faolligini oshirish boʻyicha tajriba almashamiz”, - dedi Beglov.
Sankt-Peterburg gubernatori shaharda boshqa mamlakatlardan kelayotgan ishchilar bilan ishlash uchun katta ishlar amalga oshirilayotganini qoʻshimcha qildi.
Xalqaro mehnat migratsiyasiga koʻmaklashish assotsiatsiyasi migrantlar ishini osonlashtiruvchi “Zabota” elektron ilovasini ishlab chiqqan. Shuningdek, assotsiatsiya mehnat migrantlari uchun taʼlim jarayonlarini rivojlantirish bilan shugʻullanmoqda.
“Mehnat va bandlik qoʻmitasi 2023 yilda Oʻzbekistonda Sankt-Peterburgning yirik ish beruvchilari bilan mehnat yarmarkalarini oʻtkazadi. Bu iqtisodiyotga yuqori malakali mutaxassislarni jalb qilish va ularni ishga joylashtirish jarayonini yengillashtirishga koʻmaklashadi”, - deyiladi xabarda.
Avvalroq Sankt-Peterburg gubernatorining Samarqandga tashrifi doirasida bir qator tashkilotlar, jumladan, Tashqi mehnat migratsiyasi agentligi va Xalqaro mehnat migratsiyasiga koʻmaklashish assotsiatsiyasi oʻrtasida hamkorlik memorandumlari imzolangani xabar qilingan edi.
Yangiliklar lentasi
0