Istanbulda yana portlash yuz berdi - OAV

© AFP 2023 / Ozan KoseTureskie politseyskie v Stambule, arxivnoe foto
Tureskie politseyskie v Stambule, arxivnoe foto - Sputnik O‘zbekiston, 1920, 16.11.2022
Obuna bo‘lish
Istanbulning Fotih tumanida noma’lum sabab bilan yona boshlagan mashinadan tarqalgan alanga to‘xtab turgan mashinalarga ham o‘tgan.
TOShKENT, 16 noya — Sputnik. Turkiyaning yirik megapolisi Istanbulning Fotih tumanida portlash yuz berdi, alanga uchta avtomobilni ham qamrab oldi. Portlash sabablari hozircha noma’lum, deb xabar bermoqda RIA Novosti turk nashrlariga tayanib.
“Istanbulning Fotih tumanida noma’lum sabab bilan yona boshlagan mashinadan tarqalgan alanga to‘xtab turgan mashinalarga ham o‘tdi. Yong‘in paytida uyali telefon kameralarida tasvirga olingan kadrlarda portlash tovushlari eshitildi”, - deyiladi xabarda.
Portlash sababi hozircha noma’lum. “Yeni Akit” gazetasining yozishicha, yong‘inga bir emas, bir necha portlash sabab bo‘lgan. Alanga avtomobilda kelib chiqqan, keyin esa boshqa mashinalarga o‘tgan. Yetti mashina jiddiy shikastlangan, portlashlar aholi orasida vahima uyg‘otgan.
Voqea joyiga yetib kelgan o‘t o‘chiruvchilar alangani bartaraf etgan, politsiya hodisani o‘rganishni boshlagan.
O‘tgan haftada Istanbul markazidagi Istiqlol piyodalar ko‘chasida portlash sodir bo‘lgandi. Oqibatda olti kishi halok bo‘ldi, 81 kishi jarohatlandi. Teraktni uyushtirishda gumonlangan Axlam Albashir qo‘lga olindi, u “Kurdiston ishchilar partiyasi”ga (KIP, Turkiyada terrorchilik tashkiloti deb topilgan) aloqadorligini tan olgan. Turkiya IIV ma’lumotlariga ko‘ra, terakt uyushtirish topshirig‘i Suriyaning Kobani shahridan kelgan.
Shuningdek, 21 ta manzilda tintuv o‘tkazildi, umumiy hisobda 50 kishi hibsga olindi.
Yangiliklar lentasi
0