Dunyo aholisining qariyb yarmi og‘iz bo‘shlig‘i kasalliklaridan aziyat chekmoqda – JSST

© Sputnik / Aleksandr Kondratuk / Mediabankka o‘tishStudentka na zanyatii v meditsinskom universitete
Studentka na zanyatii v meditsinskom universitete - Sputnik O‘zbekiston, 1920, 19.11.2022
Obuna bo‘lish
Har yili qariyb 380 ming nafar bemorga og‘iz bo‘shlig‘i saratoni tashxisi qo‘yilmoqda, deyiladi xabarda.
TOShKENT, 19 noya — Sputnik. Yer yuzi aholisining 45 foizi, ya’ni 3,5 milliardga yaqin kishi tish, milk va boshqa og‘iz bo‘shlig‘i xastaliklari bilan kurashmoqda. Bu haqda Jahon sog‘liqni saqlash tashkiloti ma’lum qildi.
Xususan, so‘nggi 30-yilda bemorlar soni bir milliard nafarga ko‘paygan.
Qayd etilishicha, mazkur kasalliklar orasida eng ko‘p tarqalgani tish kariyesidir. Hozir u dunyo bo‘yicha 2,5 milliardga yaqin odamda uchraydi.
“Har yili qariyb 380 ming nafar bemorga og‘iz bo‘shlig‘i saratoni tashxisi qo‘yilmoqda”, deyiladi xabarda.
Hisobotda qayd etilishicha, Yer yuzi aholisiga stomatologik xizmat ko‘rsatish yo‘nalishida muammo va to‘siqlar talaygina. Ulardan eng asosiysi ushbu turdagi tibbiy xizmatlar narxi sezilarli darajada qimmatligidir.
Shundan kelib chiqib, JSST mazkur muammoni hal qilishga doir tavsiyalarni e’lon qildi. Jumladan, og‘iz bo‘shlig‘i kasalliklarini davolashda tibbiyotning birlamchi bo‘g‘ini imkoniyatlaridan kengroq foydalanish yaxshi natija berishi mumkinligi aytildi.
Yangiliklar lentasi
0