O‘zbekiston va Qozog‘iston chegara masalasi bo‘yicha yakuniy bayonnoma imzoladi

© Sputnik / Vladimir Pirogov / Mediabankka o‘tishKontrolno-propusknoy punkt na granitse Kazaxstana, arxivnoe foto
Kontrolno-propusknoy punkt na granitse Kazaxstana, arxivnoe foto - Sputnik O‘zbekiston, 1920, 21.11.2022
Obuna bo‘lish
Toshkentda Qozog‘iston-O‘zbekiston qo‘shma demarkatsiya komissiyasi tarkibida Qozog‘iston va O‘zbekiston hukumatlari delegatsiyalarining 100- yig‘ilishi bo‘lib o‘tdi.
TOShKENT, 21 noya — Sputnik. Qozog‘iston va O‘zbekiston demarkatsiya komissiyasining qo‘shma ishi bo‘yicha yakuniy bayonnoma imzolandi. Bu haqida Qozog‘iston Tashqi ishlar vazirligi rasmiy vakili Aybek Smadiyarovning ma’lum qildi, deya xabar berdi Sputnik Qozog‘iston.
Qayd etilishicha, 14-19-noyabr kunlari Toshkentda Qozog‘iston-O‘zbekiston qo‘shma demarkatsiya komissiyasi tarkibida Qozog‘iston va O‘zbekiston hukumatlari delegatsiyalarining 100- yig‘ilishi bo‘lib o‘tdi.

“Tomonlar Qozog‘iston va O‘zbekiston o‘rtasidagi davlat chegarasini demarkatsiya qilish to‘g‘risidagi bitim loyihasini va ushbu kelishuvni to‘ldiruvchi hisoblangan chegarani belgilash bo‘yicha yakuniy hujjatlar loyihalarini imzolashga tayyorlab qo‘yishdi”, - deydi Aybek Smadiyarov.

Smadiyarovning qo‘shimcha qilishicha, tomonlar Qozog‘iston-O‘zbekiston qo‘shma demarkatsiya komissiyasi ishi bo‘yicha yakuniy bayonnomani ham imzolagan.
Shu bilan birga, TIVning aniqlik kiritishicha, muzokaralar do‘stlik va o‘zaro hamjihatlik ruhida o‘tgan.
Bir oy avval Qozog‘iston va O‘zbekiston o‘rtasida qozoq-o‘zbek davlat chegarasini demarkatsiya qilish bo‘yicha kelishuv loyihasi tayyorlangan edi.
Davlat chegarasining demarkatsiyalangan chizig‘ining uzunligi 2356,666 kmga teng. Tomonlar davlat chegarasi chizig‘iga jami 1301ta chegara belgilarini o‘rnatdi.
Bitim kuchga kirgandan so‘ng tomonlar har 10-yilda bir marta davlat chegarasi chizig‘i belgilanishini birgalikda tekshirib turilishi nazarda tutilmoqda.
Tomonlarning kelishuviga ko‘ra tekshirish shartlari o‘zgartirilishi, shuningdek, uning alohida uchastkalarida davlat chegarasi chizig‘ining belgilanishini birgalikda tekshirish ham o‘tkazilishi mumkin.
Yangiliklar lentasi
0