Bishkekda YeOII davlat rahbarlari sammiti bo‘lib o‘tadi

© Sputnik / Tabildi KadirbekovFlagi YeAES
Flagi YeAES - Sputnik O‘zbekiston, 1920, 22.11.2022
Obuna bo‘lish
Qirg‘iziston poytaxtida 9-dekabr kuni Yevroosiyo Oliy iqtisodiy kengashi yig‘ilishi bo‘lib o‘tadi.
TOShKENT, 22 noya — Sputnik. Joriy yilning 9-dekabr kuni Bishkekda Yevroosiyo iqtisodiy ittifoqiga a’zo davlatlar rahbarlari sammiti o‘tkaziladi.
Bu haqda Qirg‘iziston prezidenti matbuot xizmatining Sadir Japarov Qasim-Jomart Toqayevni Qozog‘istondagi navbatdan tashqari prezidentlik saylovlarida g‘alaba qozongani munosabati bilan tabriklagani haqidagi xabaridan ma’lum bo‘ldi.
Prezidentlar telefon orqali muloqot qilgan. Ular hamkorlik istiqbollari, mintaqaviy aloqalar, shuningdek, 9-dekabr kuni Bishkekda o‘tkazilishi rejalashtirilgan Oliy Yevroosiyo iqtisodiy kengashi yig‘ilishiga tayyorgarlik ko‘rish masalalari muhokama qilindi.
O‘zbekiston 2020-yil dekabr oyida YeOIIda kuzatuvchi davlat maqomini olgan edi. Ittifoq 2014-yilda Rossiya, Belarus va Qozog‘iston o‘rtasida tuzilgan shartnoma asosida tashkil etilgan xalqaro tashkilotdir. Bu ittifoqqa 2015-yilda Armaniston va Qirg‘iziston a’zo bo‘lgan, Moldova va Kuba kuzatuvchi maqomiga ega.
YeOIIning maqsadi — a’zo davlatlar aholisining turmush darajasini yuksaltirish borasida barqaror rivojlanish uchun sharoitlar yaratish, tovarlar, xizmatlar, kapital va ish resurslarining yagona bozorini shakllantirishga harakat qilish, global iqtisodiyot sharoitida milliy iqtisodiyotlarning raqobatbardoshligini oshirish, har tomonlama modernizatsiyalash va o‘zaro kooperatsiyani rivojlantirishdan iborat.
Yangiliklar lentasi
0