Sport

Oʻzbekistonlik shaxmatchilar JChda muddatidan oldin keyingi bosqichga yoʻl olishdi

© Sportni rivojlantirish vazirligi Oʻzbekiston terma jamoasi
Oʻzbekiston terma jamoasi - Sputnik Oʻzbekiston, 1920, 22.11.2022
Obuna boʻlish
NovostiTelegram
Jahon chempionatida Oʻzbekiston terma jamoasidan xalqaro grossmeysterlar Nodirbek Yakkubboyev, Javohir Sindarov, Shamsiddin Vohidov, Jahongir Vohidovlardan iborat kvartet bilan B guruhida saralash raundlarini oʻtkazmoqda.
TOSHKENT, 22 noya — Sputnik. Oʻzbekistonlik grossmeysterlar Isroilda boʻlib oʻtayotgan shaxmat boʻyicha FIDE jamoalar oʻrtasidagi jahon chempionatida muddatidan oldin keyingi bosqichga yoʻl olishdi. Bu haqda Sportni rivojlantirish vazirligi xabar berdi.
Jahon chempionatida Oʻzbekiston terma jamoasidan xalqaro grossmeysterlar Nodirbek Yakkubboyev, Javohir Sindarov, Shamsiddin Vohidov, Jahongir Vohidovlardan iborat kvartet bilan B guruhida saralash raundlarini oʻtkazmoqda.
Kecha, musobaqada 3 va 4-tur bahslari oʻtkazildi.
Barcha turlarda qayd etilgan natijalar:
1-tur: Oʻzbekiston 1.5 — 2.5 Ozarbayjon.
2-tur: Oʻzbekiston 2.5 — 1.5 Isroil.
3-tur: Oʻzbekiston 2.5 — 1.5 AQSH.
4-tur: Oʻzbekiston 3.5 — 0.5 Hindiston.

4-tur yakuniga koʻra 6 ochko jamgʻargan jamoa “B” guruhda yetakchiga aylandi va muddatidan oldin keyingi bosqich masalasini hal qildi.

Endi ular 5-turda Polsha jamoasiga qarshi dona surashadi.
Maʼlumot uchun, 5 ta tur yakuniga koʻra, “A” va “B” guruhda eng yaxshi natija qayd etgan 4 tadan jamoa chorak final bosqichida ishtirok etish huquqiga ega boʻladi.
Yangiliklar lentasi
0