Rossiya

Rossiya kelasi yil ham YEOII davlatlariga shakar yetkazib beradi - Bodin

© Pixabay / jakob5200Rafinad, arxivnoye foto
Rafinad, arxivnoye foto - Sputnik Oʻzbekiston, 1920, 24.11.2022
Obuna boʻlish
NovostiTelegram
Bu yil Rossiyada lavlagi shakarini ishlab chiqarish boshlanganiga 220 yil toʻldi - tafsilotlar.
TOSHKENT, 24 noya — Sputnik. Rossiya 2023 yilda ham Yevroosiyo iqtisodiy ittifoqi (YEOII) davlatlarini shakar mahsuloti bilan taʼminlashni rejalashtirmoqda. Bu haqida Rossiya shakar ishlab chiqaruvchilar uyushmasi boshqaruvi raisi Andrey Bodin "Rossiya segodnya" XAA tomonidan oʻtkazilgan matbuot anjumanida maʼlum qildi.
Andrey Bodinning soʻzlariga koʻra, mamlakatda shakar ishlab chiqarish rejadagidek davom etmoqda va mahsulot barcha savdo shoxobchalari peshtaxtalarida sotilmoqda.

“Biz 2023 yilda nafaqat Rossiyani, balki Yevroosiyo iqtisodiy ittifoqi (YEOII) davlatlarini ham shakar bilan taʼminlaymiz. Bu yil haqiqatan ham ob-havo va iqlim sharoiti sababli qand lavlagi yigʻib olishga biroz kechikdik. Ammo bizda qor tozalovchi kombaynlar sotib olish imkoniyati bor va bu hatto qor ostidan ham hosil yigʻish imkonini beradi”, deydi Andrey Bodin.

Uning qoʻshimcha qilishicha, hozirda mamlakatda 65ta shakar zavodlari mavjud. Ularda 250 ming ishchi oʻz faoliyatini olib bormoqda. Shakar ishlab chiqarish xajmi bu yil 6,1 mln tonnaga teng boʻldi.
Maʼlumot uchun, 27 noyabr kuni Rossiyada shakar kuni nishonlanadi. Bu yil Rossiyada lavlagi shakarini ishlab chiqarish boshlanganiga 220 yil toʻldi.
Tarixiy maʼlumotlarga koʻra, 1802 yil noyabr oyida Tula viloyatining Alyabevo qishlogʻida qand lavlagini qayta ishlaydigan birinchi shakar zavodi ishga tushirilgan. Shu yilning oʻzida ishlab chiqarish mavsumi boshlandi, uning davomida zavodda 300 pud shakar ishlab chiqarilgan.
Ilgari Rossiyaga qamish oq shakar va xom shakar import qilingan, undan oq shakar ishlab chiqarilgan. Uch asr davomida shakar iqtisodiy ragʻbatlantiruvchi omil boʻlib keldi va uning savdosi katta kapital oqimiga turtki boʻlgan.
Yangiliklar lentasi
0