Rossiya

Rossiyada 6 million xorijiy fuqaro doimiy yashaydi - Kazakova

© Sputnik / Vladimir Trefilov / Mediabankka oʻtishNachalnik Glavnogo upravleniya po voprosam migratsii MVD Rossii general-leytenant politsii Valentina Kazakova
Nachalnik Glavnogo upravleniya po voprosam migratsii MVD Rossii general-leytenant politsii Valentina Kazakova - Sputnik Oʻzbekiston, 1920, 24.11.2022
Obuna boʻlish
NovostiTelegram
Rossiyada doimiy asosda 6 millionga yaqin xorijiy fuqarolar yashaydi. Ulardan 3 millionga yaqini mehnat migrantlari.
TOSHKENT, 24 noya — Sputnik. Bugungi maʼlumotlarga koʻra, Rossiyada 6 millionga yaqin xorijlik istiqomat qiladi, ularning yarmi mehnat migrantlari. Bu haqda payshanba kuni boʻlib oʻtgan brifingda Rossiya IIV Migratsiya bosh boshqarmasi boshligʻi Valentina Kazakova maʼlum qildi.
“Hozirda Rossiyada 6 millionga yaqin xorij fuqarosi qolmoqda, ularning yarmi mehnat migrantlari. Ularning 400 mingga yaqini talabalar va 750 mingga yaqini vaqtincha va doimiy istiqomat qiluvchi xorijiy fuqarolardir", - dedi Kazakova.
Shuningdek Migratsiya boshqarmasi boshligʻi oʻtgan yil davomida 3 millionga yaqin chet el fuqarolari majburiy barmoq izlari topshirganini (daktiloskopiya) maʼlum qildi.
“Oʻtgan yilning oxiridan boshlab barcha chet el fuqarolarini barmoq izini qayd etish, suratga olish, tibbiy koʻrikdan oʻtkazish majburiyatini yuklovchi qonun kuchga kirdi. <...>. Joriy yilda deyarli 3 million kishi ushbu protseduradan oʻtdi”, - dedi Kazakova brifingda.
Shuningdek Kazakova Rossiyada yil boshidan buyon aniqlangan soxta roʻyxatga olish faktlari haqida ham maʼlum qildi.
“Yil boshidan beri 660 mingta holatda xorijiy fuqarolarni soxta roʻyxatga olish fakti aniqlandi. Ular hisobdan chiqarilib, jinoiy ish qoʻzgʻatildi”, - dedi u.
Kazakovaning qoʻshimcha qilishicha, yil boshidan buyon 220 ta soxta nikoh qayd etilgan holatlar ham aniqlangan.
Yangiliklar lentasi
0