Jamiyat

Yaqin yillarda 6,5 ming km oqova suv tarmoqlari tortiladi – “Oʻzsuvtaʼminot”

© SputnikAOKAdagi brifing
AOKAdagi brifing - Sputnik Oʻzbekiston, 1920, 24.11.2022
Obuna boʻlish
NovostiTelegram
Respublika aholisining markazlashgan oqova suv xizmatlari bilan taʼminlanganlik darajasini 35 foizga yetkazish rejalashtirilgan.
TOSHKENT, 24 noya — Sputnik. AOKAda “Oʻzsuvtaʼminot” AJ rahbariyati va mutasaddilari ishtirokida “Oqova suvlarni chiqarib yuborish: muammo va yechimlar” mavzusida matbuot anjumani boʻlib oʻtdi, deb xabar qilmoqda Sputnik muxbiri.
Maʼlm qilinishicha, bugungi kunda mamlakatda 125 ta oqova suv tozalash inshootlari mavjud boʻlib, shundan 58 tasi yirik, 67 tasi lokal oqova suv tozalash inshootlari hisoblanadi. Oqova suv inshootlariningumumiy loyihaviy kunlik quvvati 3,7 mln metr kub boʻlib, amalda kuniga 2,7 mln metr kub quvvatbilan ishlab kelmoqda.
“Oʻzsuvtaʼminot” AJ mutaxassisi Anvar Muhammadiyevning maʼlum qilishicha, 2022-2026 yillarga moʻljallangan Yangi Oʻzbekistonning taraqqiyot strategiyasiga muvofiq 32 ta yirik shaharlarva 155 ta tuman markazlarida oqova suv tizimlarini yangilashbelgilangan.

“Ushbu davr mobaynida 283 ta oqova suv inshootlari quriladi, 6,5 ming km oqova suv tarmoqlari tortiladi va rekonstruktsiya qilinadi. Buning natijasida respublika aholisining markazlashgan oqova suv xizmatlari bilan taʼminlanganlik darajasi 35 foizga yetkaziladi”, - dedi mutaxassis.

Uning soʻzlariga koʻra, oqova suv xizmatlarini koʻrsatish sohasidagi tizimli muammolardan biri – bu sanoat korxonalarida birlamchi (lokal) tozalash uskunalari oʻrnatilmaganligidir. Korxonalardagi mavjud tozalash uskunalari ham talabga javob bermaydi. Buning oqibatida chiqarilayotgan oqova suvlarning tarkibi meʼyordan yuqori zararli boʻlib, tozalash inshootlarining texnologik faoliyatini izdan chiqarmoqda.
Hozirda respublikada 282 ta oqova suv koʻtarish nasos stantsiyalarida jami 527 ta nasos agregatlari mavjud boʻlib, shundan 122 tasi nosoz, shuningdek, mavjud jami 8,8 ming km oqova suv tarmoqlaridan 2,1 ming km (23%) taʼmirtalab ahvolga kelgan.
Muammoni hal etish maqsadida barcha dasturlar doirasida kunlik umumiy quvvati 1,3 mln metr kub boʻlgan 45 ta oqova suv tozalash inshootlari, 329 ta nasos stantsiyalari va 3,8 ming km oqova suv tarmoqlarini qurish ishlari olib borilmoqda.
Yangiliklar lentasi
0