Jamiyat

Prezidentning ikkita maslahatchisi lavozimi birlashtirildi

© Sputnik / Aleksey Nikolskiy / Mediabankka oʻtishV zale zasedaniy
V zale zasedaniy - Sputnik Oʻzbekiston, 1920, 25.11.2022
Obuna boʻlish
NovostiTelegram
Ushbu yangi lavozim avvalgi ikkita maslahatchi lavozimini birlashtirish orqali tashkil etilgan.
TOSHKENT, 25 noya — Sputnik. Prezidentning ikkita maslahatchisi lavozimi birlashtirilmoqda. Bu haqida prezident tomonidan imzolangan tegishli farmonda nazarda tutilgan.
Hujjat bilan prezidentining davlat xizmati, aholi bilan muloqot va mahalliy hokimiyat organlari faoliyatini muvofiqlashtirish masalalari boʻyicha maslahatchisi lavozimi joriy etildi.
Ushbu yangi lavozim avvalgi ikkita maslahatchi lavozimini birlashtirish orqali tashkil etilgan.
Bunda prezidentning fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari boʻyicha maslahatchisi hamda prezidentning davlat xizmati masalalari boʻyicha maslahatchisi lavozimlari tugatildi.
Ularning negizida yangi lavozim joriy etilgan.
Yangi lavozimni joriy etishdan maqsad:
davlat va fuqarolar oʻrtasida hamkorlikni yangi tizimini tashkil etish;
davlat organlarida murojaatlarini koʻrib chiqishning zamonaviy yondashuvlarini joriy etish;
joylarda muammolar hal etilishi ustidan taʼsirchan nazoratni oʻrnatish.
Shuningdek, Xalq qabulxonalari institutini kuchaytirish yuzasidan ayrim vazifalar belgilandi. Bunga soʻnggi paytlarda Xalq qabulxonalari faoliyati yetarli samara bermayotgani, joylardagi muammolarni hal qilishda sustkashlikka yoʻl qoʻyib, asosan sansalorlik bilan shugʻullanayotgani aholining haqli eʼtirozlarini keltirib chiqarayotgani sabab boʻldi.
Xalq qabulxonalari xodimlariga quyidagi huquq berilmoqda:
Davlat organlari va tashkilotlarda jismoniy va yuridik shaxslarning murojaatlari toʻgʻrisidagi qonunchilik hujjatlari boʻyicha qonunbuzilishlar yuzasidan maʼmuriy bayonnomalar tuzish va sudga yuborish.
Xalq qabulxonalari faoliyatini yangi tashkil etilayotgan Administratsiya rahbari yordamchilari muvofiqlashtirib boradi va ular bevosita hududlarda oʻz faoliyatini amalga oshiradi. Bunda Administratsiya rahbari yordamchilari shtatlari mavjud shtat birliklarini qisqartirish evaziga tashkil etiladi.
Eslatib oʻtamiz, joriy etilgan yangi lavozimni Sirdaryo viloyati hokimi Gʻofurjon Mirzayev egalladi va u viloyat hokimi lavozimidan ozod etildi.
Yangiliklar lentasi
0