Jamiyat

Roʻyxatidan oʻtgan tadbirkorlar bir vaqtning oʻzida birja tizimida akkreditatsiyalanadi

© Sputnik / Aleksey Filippov / Mediabankka oʻtishEkran, transliruyuщiy birjevыe grafiki i diagrammы
Ekran, transliruyuщiy birjevыe grafiki i diagrammы - Sputnik Oʻzbekiston, 1920, 25.11.2022
Obuna boʻlish
NovostiTelegram
Prezident tomonidan qabul qilingan yangi qaror bilan, tadbirkorlarni davlat roʻyxatidan oʻtkazish va hisobga qoʻyishda ularni bir vaqtning oʻzida birja tizimida akkreditatsiyadan oʻtkazish tartibi belgilandi.
TOSHKENT, 25 noya — Sputnik. Tadbirkorlar davlat roʻyxatidan oʻtkazish bilan bir vaqtning oʻzida birja tizimida akkreditatsiyalanadi. Bu haqida prezident tomonidan qabul qilingan PQ–430-sonli qarorda nazarda tutilgan.
Qarorga koʻra, tadbirkorlarni davlat roʻyxatidan oʻtkazish va hisobga qoʻyishda ularni bir vaqtning oʻzida birja tizimida akkreditatsiyadan oʻtkazish tartibi joriy etiladi.
Endilikda xorijiy yetkazib beruvchilar tomonidan davlat xaridlari tizimida ishtirok etish uchun majburiy tartibda elektron raqamli imzo olish talabi bekor qilinadi.
Hujjatda tadbirkorlarning yuqori likvidli va monopol boʻlmagan mahsulotlarini birja savdolari orqali sotish uchun istiqbolli tovarlar sektsiyasi tashkil etilishi ham nazarda tutilgan.
Tadbirkorlarga, oʻz xohishiga koʻra, birjadan tashqari tuzilgan shartnomalar boʻyicha birjaning hisob-kitob-kliring tizimi orqali kafolatli hisob-kitob xizmatidan foydalanish imkoniyati yaratiladi.
2022 yil 1 dekabrdan 2024 yil 1 yanvargacha quyidagi tovarlar ichki bozorda faqat birja savdolari orqali realizatsiya qilinadi:
monopol va davlat ishtirokidagi tashkilotlar tomonidan ishlab chiqarilgan poʻlat shar, metall list prokati, suyuq uglerod oksidi, texnik kislorod, kaustik soda, neft koksi, sintetik nafta, barda – ishlab chiqarish hajmining 100 foizi;
monopol boʻlmagan va ustav fondida davlat ulushi 50 foizdan kam boʻlgan yoki davlat ulushi mavjud boʻlmagan yuridik shaxslar tomonidan ishlab chiqarilgan:
metall list prokati va tsement – ishlab chiqarish hajmining kamida 50 foizi;
paxtadan olingan chigit, paxta moyi (ekstraktsiya paxta moyi), qayta ishlangan chigit chiqindilari (shrot, sheluxa) va isteʼmol etil spirti – ishlab chiqarish hajmining 100 foizi.
Shuningdek, mahsulotlarni “forvard” bitimlari asosida sotish tartibi birja savdolari orqali tuziladigan eksport-import shartnomalariga nisbatan ham qoʻllaniladi.
Yangiliklar lentasi
0