Jamiyat

Toshkent xalqaro aeroportida inson aralashuvisiz ishlaydigan avtoturargoh ishga tushirildi

© Uzbekistan Airports"Toshkent" xalqaro aeroportida avtomatlashtirilgan avtoturargoh ishga tushirildi
Toshkent xalqaro aeroportida avtomatlashtirilgan avtoturargoh ishga tushirildi - Sputnik Oʻzbekiston, 1920, 25.11.2022
Obuna boʻlish
NovostiTelegram
Avtoturargoh tizimi avtomobillarning davlat raqamlarini mustaqil ravishda eslab qoladi hamda kirish/chiqish va toʻlovlarni qabul qilish imkonini beradi - tafsilotlar.
TOSHKENT, 25 noya — Sputnik. ​"Toshkent" xalqaro aeroportida avtomatlashtirilgan avtoturargoh ishga tushirildi. Bu haqida Uzbekistan airports xabar berdi.
Qayd etilishicha, test rejimida Toshkent xalqaro aeroportining joʻnab ketish terminali oldida Oʻzbekistonda birinchi boʻlib 333ta avtoturargohga moʻljallangan toʻliq avtomatlashtirilgan avtoturargoh ishga tushirildi.
Bu inson aralashuvisiz ishlaydigan birinchi avtoturargoh boʻlib, avtoturargoh tizimi avtomobillarning davlat raqamlarini mustaqil ravishda eslab qoladi hamda kirish/chiqish va toʻlovlarni qabul qilish imkonini beradi.
© Uzbekistan Airports"Toshkent" xalqaro aeroportida avtomatlashtirilgan avtoturargoh ishga tushirildi
Toshkent xalqaro aeroportida avtomatlashtirilgan avtoturargoh ishga tushirildi - Sputnik Oʻzbekiston, 1920, 25.11.2022
"Toshkent" xalqaro aeroportida avtomatlashtirilgan avtoturargoh ishga tushirildi
Avtomatlashtirilgan avtoturargohning ishlash tartibi
Haydovchilarga toʻxtash joyi uchun toʻlov amalga oshirishning ikki usuli taklif etiladi. Avtomashina raqamini avtomatik identifikatsiyalangan taqdirda, toʻxtash joyi uchun toʻlov maxsus avtoturargoh hisoblagichi orqali naqd pulda yoki QR kod yordamida amalga oshirilishi mumkin.
Toʻlovni amalga oshirish uchun mashina raqami terminalga kiritiladi, shundan soʻng toʻlov miqdori parkometr displeyida paydo boʻladi. Agar mashinaning raqamini avtomatik ravishda aniqlash imkoni boʻlmasa, avtoturargohga kirishda oʻrnatilgan terminaldan maxsus chiptani olib, chiqishda ushbu chipta yordamida toʻlov amalga oshirish lozim.
Toʻlov amalga oshirish vositalari
Ayni paytda barcha yangi va eski banknotalar, qaytimni olish imkoniyati bilan, toʻlovga qabul qilinadi. Shu bilan birga, Payme toʻlov tizimi yordamida QR-kod orqali toʻlovni amalga oshirish mumkin.
Yaqin vaqt ichida boshqa toʻlov tizimlari, shuningdek, Visa, Mastercard, Humo va UzCard bank kartalari orqali toʻlovlar amalga oshirish imkoniyati paydo boʻladi.
Aytilishicha, mobil ilova bilan avtoturargohning integratsiyalashuvi ham yakunlanmoqda, bu esa avtomobildan chiqmasdan toʻlovni amalga oshirish imkonini beradi.
"Tizimning ikki kunlik ishlashi natijasida olingan maʼlumotlarga koʻra, haydovchilarning 99 foizi avtoturargoh uchun naqd pulda toʻlov amalga oshiradi, bu esa mablagʻlarning noqonuniy chiqib ketish imkoniyati kattaligidan dalolat beradi. Avtomatlashtirish korruptsiya faktini butunlay istisno qiladi - terminal bilan "kelishib" boʻlmaydi va u daromadlarni yashirmaydi. Toʻliq moliyaviy shaffoflik”, deydi Uzbekistan Airports boshqaruvi raisi Raʼno Djurayeva.
Qoʻshimcha qilinishicha, ayni paytda ikkinchi avtoturargohda – kelish terminali oldida uskunalarni oʻrnatish va sozlash ishlari olib borilmoqda. Kelgusida poytaxt aeroportining qolgan avtoturargohlari ham toʻliq avtomatlashtiriladi.
Yangiliklar lentasi
0