Sil va OITSga chalingan bemorlar dorilar bilan bepul ta’minlanadi

© Unsplash / Volodymyr HryshchenkoMujchina derjit lekarstvo
Mujchina derjit lekarstvo - Sputnik O‘zbekiston, 1920, 13.12.2022
Obuna bo‘lish
Hududiy OITS markazi va tumanlararo laboratoriyalarni ta’mirlash uchun mas’ullar biriktirildi.
TOShKENT, 13 dek — Sputnik. Endilikda sil va OITS bilan kasallangan bemorlar dori vositalari bilan bepul ta’minlanadi. Prezident Shavkat Mirziyoyev 12-dekabr kuni ftiziatriya va pulmonologiya sohasini rivojlantirish, OITS kasalligining oldini olish masalalari bo‘yicha yig‘ilishda shunday topshiriq berdi.
Prezident matbuot xizmatining xabar berishicha, yig‘ilishda o‘pka kasalliklari va odam immuniteti tanqisligi virusi bilan kasallanish holatlari bo‘yicha navbatdagi chora-tadbirlar mutaxassislar ishtirokida muhokama qilindi.
Shavkat Mirziyoyev kelgusi yildan boshlab “O‘pka salomatligi” mobil brigadalarini tashkil etib, chekka hududlarda bolalarni skrining tekshiruvlaridan o‘tkazish bo‘yicha topshiriq berdi. Tuberkuloz infeksiyasining molekulyar-genetik diagnostikasini, yashirin infeksiyasi bor bemorlarni aniqlash va profilaktik davolash qamrovini oshirish zarurligi ta’kidlandi.
Viloyat hokimlariga hududlardagi Ftiziatriya sihatgohlarini ta’mirlash va jihozlash, bakteriologiya laboratoriyalarini tashkil etish topshirildi.
Sog‘liqni saqlash vazirligiga tuberkuloz bilan kasallangan bemorlarni dori vositalari bilan bepul ta’minlash vazifasi qo‘yildi. Bunga davlat budjetidan 40 milliard so‘m ajratiladi.
OIV infeksiyasi bo‘yicha ham tekshiruvni kengaytirib, 3 million aholini qamrab olish choralari belgilandi. Bunday bemorlar ham 22 turdagi virusga qarshi dorilar bilan bepul ta’minladi. Hududiy OITS markazi va tumanlararo laboratoriyalarni ta’mirlash, ularni zamonaviy tibbiy uskunalar bilan jihozlashga mas’ullar biriktirildi.
Bularning barchasini inobatga olib, ftiziatriya, pulmonologiya va OITS yo‘nalishlarida dasturiy qarorlar loyihalarini ishlab chiqish vazifasi qo‘yildi.
Yangiliklar lentasi
0