Noqulay ob-havo bir qancha aeroportlar faoliyatini cheklab qo‘ydi

© Uzbekistan AirportsTuman v aeroportu
Tuman v aeroportu  - Sputnik O‘zbekiston, 1920, 19.12.2022
Obuna bo‘lish
O‘ndan ortiq reyslar boshqa aerodromlarga yuborildi yoki kechikitirildi.
TOShKENT, 19 dek — Sputnik. Qalin tuman tufayli ko‘rishning yomonlashishi Toshkent va Namangan xalqaro aeroportlarida samolyotlarni qabul qilish va uchirishni cheklab qo‘ydi. Bu haqda “Uzbekistan Airports” AJ matbuot xizmati xabar berdi.
Ko‘rish darajasi deyarli nolga tushgani sabab “Uzbekistan Airways” aviakompaniyasining HY614 (Moskva-Toshkent) reysi Buxorodagi muqobil aerodromga jo‘natilgan. Bortida 214 yo‘lovchi bo‘lgan samolyot mahalliy vaqt bilan soat 03:23 da Buxoroga qo‘ngan. HY426 (Dehli-Toshkent) reysi ham Buxoro aeroportiga yo‘naltirilgan. Ko‘rish yaxshilanganidan keyin ikkala samolyot ham Toshkentga uchib ketgan.
“Uzbekistan Airways” aviakompaniyasining HY23/24 (Toshkent — Buxoro — Toshkent) reysi biroz kechiktirildi. HY23 reysi mahalliy vaqt bilan soat 10:52 da Buxoroga kelib qo‘ngan va 11:53 da Toshkentga jo‘nab ketgan.
Bundan tashqari, “Uzbekistan Airways” aviakompaniyasining HY9662 (Yekaterinburg — Toshkent), HY3196 (Seul — Toshkent), HY274 (Istanbul — Toshkent), HY708 (Vladivostok — Toshkent), HY9646 (Moskva — Toshkent) yo‘nalishlaridagi reyslari Navoiydagi muqobil aerodromga yo‘naltirilgan. Shuningdek, Rossiyaning “Aeroflot” aviakompaniyasining Mineralnie Vodi — Toshkent yo‘nalishi bo‘yicha AFL1870 reysi Navoiyga jo‘natilgan.
“Uzbekistan Airways” aviakompaniyasining HY18 (Nukus — Toshkent) va HY336 (Jidda — Toshkent), Ozarbayjonning “Azal” aviatashuvchisining AHY5031 (Boku — Toshkent), “Fort Aero”ning FRX513 charter reysi Samarqandga muqobil aerodromga jo‘nab ketgan.
“Uzbekistan Airways” aviakompaniyasining Perm — Namangan yo‘nalishi bo‘yicha HY9802 reysi Farg‘ona aeroportiga yo‘naltirilgan va mahalliy vaqt bilan soat 01:51 da Farg‘onaga kelib qo‘ngan.
HY9620/9619 (Moskva — Namangan — Moskva) reysi uchish vaqti 18-dekabrdan 19-dekabrga o‘zgartirilgan. Samolyot belgilangan aeroportga mahalliy vaqt bilan soat 16:10 da jo‘naydi.
19 dekabr kuni mahalliy vaqt bilan soat 16:40 ga belgilangan HY9619 (Namangan — Moskva) reysi esa 20-dekabrga ko‘chirilgan. “Uzbekistan Airways” aviakompaniyasining HY9805 (Namangan — Samara) va HY9806/9829 (Samara — Namangan — Yekaterinburg) reyslari ham kechiktirilgan.
S7 aviakompaniyasining SBI5567/5568 (Novosibirsk — Namangan — Novosibirsk) reysi; “Air Arabia” aviakompaniyasining G785 (Namangan — Sharja) va G785 (Sharja — Namangan — Sharja) reyslari; “Red Wings” aviakompaniyasining WZ4483/4484 reyslari (Moskva — Namangan — Moskva); shuningdek, Jazeera Airways’ning J9645 reysi (Kuvayt — Namangan — Kuvayt) Namanganda ob-havo sharoiti yaxshilanmaguncha kechiktirilgan.
Kompaniyaning ma’lum qilishicha, Namangan aeroportida havo kemalarini qabul qilish va jo‘natish uchun cheklovlar hamon amalda.
Yangiliklar lentasi
0