O‘zbekiston Kavkazorti orqali YeIga yangi konteyner poyezdi qatnovini yo‘lga qo‘ydi

© AO "Uzbekiston temir yullari"Uzbekistan zapustil noviy konteynerniy poyezd v YeS cherez Zakavkazye
Uzbekistan zapustil noviy konteynerniy poyezd v YeS cherez Zakavkazye - Sputnik O‘zbekiston, 1920, 19.12.2022
Obuna bo‘lish
Temir yo‘l karvoni 46 ta vagon va 91 dona 20 futlik konteynerdan tashkil topgan.
TOShKENT, 19 dek — Sputnik. “O‘zbekiston temir yo‘llari” AJ Turkmaniston va Kavkaz mamlakatlari – Ozarbayjon va Gruziya orqali Yevropa Ittifoqi mamlakatlariga konteyner poyezdi qatnovini yo‘lga qo‘ydi. Bu haqda dushanba kuni temir yo‘l kompaniyasi matbuot xizmati xabar berdi.
Ma’lum qilinishicha, “O‘ztemiryo‘lkonteyner” AJ o‘rta koridor orqali Yevropaga birinchi konteyner poyezdini yubordi.
“16 dekabr kuni OKMK yuklari ortilgan birinchi konteyner blok poyezdi Bolgariyaning Burgas portiga yuborildi. Ushbu yuk poyezdi mis konsentratidan iborat 46 ta vagon va 91 dona 20 futlik konteynerdan tashkil topgan”, - deyiladi xabarda.
Konteyner poyezdi “O‘zbekiston - Turkmaniston - Ozarbayjon - Gruziya - Bolgariya/Yevropa" yo‘nalishi bo‘ylab 4000 km dan ortiq masofani bosib o‘tadi.
Ushbu qatnov xorijiy hamkorlar Turkmanistondan – “TLST” OAJ, Ozarbayjondan – ADY Container LLC va Gruziyadan – GR Logistics and Terminals yordamida amalga oshirildi.
Dekabr oyi boshida “O‘zbekiston temir yo‘llari” AJ Qozog‘iston va Rossiya orqali Litvaga konteynerli poyezd qatnovini yo‘lga qo‘ygandi. Kompaniya yangi yo‘lakni muntazam qilish niyatida.
Ma’lumot uchun, O‘zbekistonning tashqi savdodagi asosiy hamkorlari Rossiya va Xitoy hisoblanadi. Shu yilning 11 oyida O‘zbekiston Rossiyaga 2,8 mlrd dollarli, Xitoyga 2,4 mlrd dollarli mahsulot yetkazib bergan. O‘z navbatida, Xitoydan qiymati 5,8 mlrd dollar, Rossiyadan 5,5 mlrd dollar bo‘lgan tovar va xizmatlar import qilingan.
So‘nggi 4-yil ichida Rossiya va O‘zbekiston o‘rtasidagi tovar ayirboshlash hajmi 3 baravarga o‘sdi. Joriy yilning 10 oyida o‘sish 30 foizni qayd etdi. Rossiyaning O‘zbekiston iqtisodiyotiga kiritgan sarmoyalarining umumiy hajmi 13 milliard dollardan ortiqni tashkil etadi.
Yangiliklar lentasi
0