O‘zbekistonlik faxriylar Sankt-Peterburgdagi xotira tadbirlarida ishtirok etadi

© Sputnik / Aleksey Suxorukov / Mediabankka o‘tishBoyevie nagradi i yubileynie medali veterana Velikoy Otechestvennoy voyni
Boyevie nagradi i yubileynie medali veterana Velikoy Otechestvennoy voyni - Sputnik O‘zbekiston, 1920, 18.01.2023
Obuna bo‘lish
Sankt-Peterburgda Leningradning fashistlar qamalidan to‘liq ozod etilganining 79-yilligiga bag‘ishlangan tadbirlar bo‘lib o‘tadi.
TOShKENT, 18 yanv — Sputnik. O‘zbekistonlik faxriylar Leningradning fashistlar qamalidan to‘liq ozod etilganining 79-yilligiga bag‘ishlangan rasmiy shahar tadbirlarida ishtirok etadi. Bu haqda Sankt-Peterburg shahri ma’muriyati matbuot xizmati xabar berdi.
26-29 yanvar kunlari Sankt-Peterburgga O‘zbekiston, Armaniston, Belarus, Bolgariya, Germaniya, Isroil, Qirg‘iziston, Latviya, Litva, Estoniyadan ellikdan ortiq Ulug‘ Vatan urushi faxriylari yetib keladi.
Bundan tashqari, seshanba kuni gubernator Aleksandr Beglovning taklifiga binoan Belarus Respublikasidan qamalda qolgan Leningrad aholisi Sankt-Peterburgga yetib borgan. Ularning tashrifi Leningrad qamali yorib o‘tilishining 80-yilligini nishonlashga mo‘ljallangan.

“Bizni umumiy tarix birlashtiradi. Bu yil biz shahrimiz uchun juda muhim sana - qaml yorib o‘tilganining 80-yilligini nishonlamoqdamiz. Bu kun, 1943-yil 18-yanvar barcha Leningrad aholisiga umid baxsh etdi, sovet xalqining g‘alabasini yaqinlashtirdi. Biz qamalning og‘ir kunlaridan omon qolganlarni mehmon sifatida ko‘rishdan doimo xursandmiz”, - dedi Beglov.

Faxriylar Piskarovskoe memorial qabristonidagi “Ona Vatan” monumenti poyiga gul qo‘yishadi. Shuningdek, ular uchun madaniy dastur tayyorlangan.
Yangiliklar lentasi
0