Rossiya

Lavrov: Yevropadagi ayrim siyosatchilar ulardan foydalanishayotganini tushuna boshladi

© Sputnik / Maksim Blinov / Mediabankka oʻtishSergey Lavrov
Sergey Lavrov - Sputnik Oʻzbekiston, 1920, 19.01.2023
Obuna boʻlish
NovostiTelegram
Rossiya tashqi ishlar vaziri bunday vaziyat “bir kun kelib oʻtib ketishi”ga ishonch bildirdi.
TOSHKENT, 19 yanv — Sputnik. Yevropada bir qator siyosatchilar ulardan foydalanilayotganini va ular ataylab zaiflashtirilayotganini anglay boshladi, deydi Rossiya tashqi ishlar vaziri Sergey Lavrov.

“Yevropa, mening fikrimcha, hech boʻlmaganda bir qator Yevropa mamlakatlaridagi masʼuliyatli siyosatchilar ulardan foydalanilayotganini, umuman olganda, ular sanoatsizlanishga botirilayotganini, ataylab zaiflashtirilayotganini tushuna boshladi”, - dedi Rossiya vaziri.

Lavrov bunday vaziyat “bir kun kelib oʻtib ketishi va Yevropa davlatlarida hokimiyat tepasiga oʻz xalqlari manfaatlariga koʻra ish boshlagan siyosatchilar kelishi”ga ishonch bildirdi.
Ukrainada Rossiya maxsus harbiy operatsiyasi boshlanganidan soʻng, Gʻarb davlatlari Moskvaga nisbatan sanktsiyalar bosimini kuchaytirdi, ammo bu AQSH va Yevropaning oʻzida yoqilgʻi narxining oshishi va rekord darajadagi inflyatsiyani keltirib chiqardi. Rossiya prezidenti Vladimir Putin taʼkidlaganidek, Rossiyani jilovlash va zaiflashtirish siyosati Gʻarb uchun uzoq muddatli strategiyadir, ammo sanktsiyalar butun jahon iqtisodiyotiga qattiq zarba berdi. Uning soʻzlariga koʻra, AQSH va uning ittifoqchilarining asosiy maqsadi millionlab odamlar hayotini yomonlashtirishdir.
Yangiliklar lentasi
0