Kolumnistlar

Pentagon kuf-sufi va "Leopard"lar bilan raqs

© Sputnik / Stringer / Mediabankka oʻtishTanki Leopard 2E na parade v Rige
Tanki Leopard 2E na parade v Rige - Sputnik Oʻzbekiston, 1920, 23.01.2023
Obuna boʻlish
NovostiTelegram
Pentagon Germaniyaning Ramshtayn aviabazasida nemislarni Ukrainaga "Leopard 2" tanklarini yuborishga majburlash uchun hamma ishni qildi, lekin uddalay olmadi.
TOSHKENT, 23 yanv - Sputnik. AQShning Yevropadagi ittifoqchilari "Kiyev" rejimiga tanklar yetkazib berish - bu qandaydir mavhum "qizil chiziq"ni kesib oʻtish emas, balkim Rossiya tomon yoʻnaltirilgan jiddiy geosiyosiy chaqiriq ekanini yaxshi tushunishadi. Buning ehtimoliy oqibatlari Yevropa va alohida davlatlar uchun ogʻir oqibatlarga olib kelishi mumkinligini yaxshi tushunishadi. Shu sababli ham Berlin uxlayotgan sherning (muqarrar oʻlimning) moʻylovidan tortishni istamayapti. Vashington boʻlsa buni talab qilmoqda, chunki ularning dunyoda "yakkahokimlik" uchun kurashida Yevropa - shunchaki isteʼmol mahsuloti.
Alyansning "Leopard"lar bilan raqslari bir haftadan buyon davom etmoqda. Oq uy va Pentagon yevropalik yoʻldoshlarini turli uslublar bilan darhol Kiyevga tanklar joʻnatishga koʻndirmoqda (majburlamoqda). Shu bilan birga AQSH oʻzining "Abrams" tanklarini Ukrainaga yuborishga mutlaqo qarshi.
Xulosa shuki, AQSH Rossiya bilan toʻgʻridan-toʻgʻri mojaroga kirishishni istamaydi. "Leopard" yoki "Abrams" tanklarini yetkazib berish bu Rossiya bilan bevosita mojaroga kirishish hisoblanadi. Shunday ekan, bu halokatli ishga Yevropani koʻndirgan maʼqul va xavfsizroq. Soʻnggi kunlarda Pentagon rahbari Lloyd Ostin Germaniyadagi "Ramshtayn" aviabazasida aynan shu ish bilan shugʻullanmoqda.
U yerda 40dan ortiq donor mamlakatlar Kiyev rejimiga harbiy yordamning navbatdagi "toʻplami" ni muhokama qildilar. Vashingtonning asosiy maqsadi - "bosim oʻtkazish", Germaniyaning 13 ta mamlakatlardagi 2000 ta "Leopard" tanklarining kamida bir qismini Kiyevga yetkazib berish. Lekin bugungi kunga qadar - bu maqsad amalga oshmadi. Germaniya tanklariga ega boʻlgan davlatlardan birortasi hozircha Germaniyaga tanklarni reeksport qilish uchun soʻrov yubormadi.
Oldinroq Britaniya, Frantsiya va Polsha ham tanklarni yetkazib berishni tezlashtirishga harakat qilishgan edi. Ular ham oʻz ixtiyorida boʻlgan AMX-10RC bronemashinalari, "Leopard 2" va "Challenger 2" tanklarini yetkazib berishni vaʼda berishgan, lekin hozircha bu reja amalga oshgani yoʻq.

Germaniya soʻnggi 110 yil ichida uchinchi marotaba Jahon urushini boshlashni istamaydi shekilli, shu sababli Vashingtonga noreal lekin haqli talab qoʻymoqda - "Leopardlar" va "Abrams"larni bir vaqtda yetkazib berish.

Avvalroq Kiyevga kamida 100 ta NATO tanklari yetkzaib berish muhokama qilingan edi, ammo Kiyev jang maydonidagi vaziyatni oʻzgartirish uchun 300 ta tank talab qildi. Pentagon 19 yanvar kuni Kiyev rejimi uchun AQShning oʻttizinchi harbiy yordam paketini eʼlon qildi. Umumiy miqdori $2,5 mlrd boʻlgan yordam tarkibiga: 59 ta "Bradley" BMP, 90 ta "Stryker" BTR va 350 ta koʻp maqsadli HMMWV avtomobillari yetkazib berish kiradi. Bu unchalik koʻp emas, lekin Pentagon 20 yanvar kuni Ramshtayn bazasida undan ortigʻiga erisha olmadi.

UQK harbiy texnikasi yonish tezligi

Haftaning dastlabki natijalari: Daniya Ukrainaga Frantsiyaning 19 ta "Caesar" toʻplari, Germaniya - 40 ta "Marder" BTRlari, Kanada yana 200 ta ancha eskirgan "Senator" BTRlari, Estoniya - FH-70 va D-30 gaubitsalari, Latviya "Stinger" qoʻl raketalari, ikkita Mi-17 vertolyotlari, pulemyotlar va uchuvchisiz apparatlari, Litva - L-70 zenit toʻplari va ikkita Mi-8 vertolyotlari, Polsha - KRAB gaubitsalari va S-60 zenit toʻplari yetkazib beradi. Bular orasi hech qanday yangilik yoʻq. Vashington kutgan "ulkan siljish" amalga oshmadi. Demak Rossiyaning strategik, taktik va oʻt ochish boʻyicha ustunligi hukm surayotgan reallikka qaytish vaqti keldi.

Maxsus operatsiyaning dastlabki 11 oyida Rossiya qoʻshinlari Ukrainaning 7580 ta zirhli texnikasini, jumladan, 2000 dan ortiq tanklarini yoʻq qilishdi. Bu oyiga oʻrtacha 700 ta degani. Bu NATO mamlakatlari uchun hech qanday yaxshi narsa vaʼda qilmaydi. "Leopard 2" Rossiyaning koʻchma reaktiv moslamalari "Fagot" va "Kornet" oldida ham himoyasiz. 2016 yil dekabr oyida Suriyada Turkiya armiyasi 30 ta "Leopard"dan 10 tasini juda qisqa vaqt ichida yoʻqotgan edi.

Afgʻonistonda esa Kanada armiyasi 18 ta "Leopard"idan mahrum boʻlgan edi. Zamonaviy NATO tanklari qanday gʻaroyib xususiyatli qurollar emas. Ularning jangovar xususiyatlari Rossiyaning T-80 va T-90 tanklaridan koʻra sustroq. Vashingtonning Ukrainaga nima qilib boʻlsa ham 200-300 ta tank yetkazish istagi - koʻproq noumidlik va moʻʼjizaga ishonishga oʻxshaydi.
Pentagon Ukrainaga ogʻir qurollar yetkazib berish yordamida harbiy harakatlar maydonida ustunlikka erishish, "Kiyev rejimi uchun Zaporojye viloyatida oldinga siljish, Qrim chegaralariga yaqinlashish va yarim orolga zarba berish imkoni yaratish"ni orzu qilmoqda.
Albatta, tank batalonlari va brigadalari quruqlik qoʻshinlarining asosiy zarba beruvchi kuchi hisoblanadi. Ular yuqori manevrlik va oʻt ochish qobiliyatiga ega boʻlgan kuchlar hisoblanadi va operatsiyaning yakuniy maqsadlariga qisqa vaqt ichida erisha olishi mumkin. Moskva ham bundan xabardor va NATO tanklarining bir joyda toʻplanishiga imkon bermaydi.
Rossiya tashqi ishlar vaziri Sergey Lavrov va Rossiya Xavfsizlik kengashi raisining oʻrinbosari Dmitriy Medvedev 19 yanvar kuni sayyoradagi agressiv qoʻshnilariga AQSH va NATOning Kiyev rejimiga amerikalik kuchlardan foydalangan holda Qrimga zarbalar uyushtirishda yordam berish qanchalik xavfli ekanligini toʻgʻridan-toʻgʻri va keskin ohangda eslatib qoʻydi.
HIMARS va Bradley va boshqa har qanday qurol yordamida Qrim yarim oroliga zarba berish imkonini yaratish va AQsh va NATO uchun naqadar xavfli boʻlishi mumkinligini eslatib qoʻydi. Dmitriy Medvedev taʼkidlashiga koʻra: "Gʻarbning ongi rivojlanmagan siyosiy oʻyinchilari "Tinchlikka erishish uchun Rossiya yutqazishi kerak" deb takror va takror aytishmoqda, lekin yadroviy davlatning oddiy urushda yutqazishi, yadroviy urushning boshlanishiga sabab boʻlishi mumkinligi ularning xayoliga kelmaydi".
Sergey Lavrov ham "Gʻarbning imkon qadar xayolini joyiga keltirish uchun qoʻlidan kelgan barcha ishni qilishini taʼkidlagan edi.
Bunga AQSH Davlat departamenti juda tez va asabiy munosabat bildirdi. Ehtimol bunda ular oʻzlarini tanib olishgan.
Harbiy kuzatuvchi Aleksandr Xrolenkoning Telegram-kanaliga obuna boʻling
Yangiliklar lentasi
0