Flagi Rossii i Uzbekistana - Sputnik Oʻzbekiston, 1920
Oʻzbekiston - Rossiya
Samarqandda 2020 yilning 1-2 dekabr kunlari Oʻzbekiston - Rossiya hukumat va biznesi vakillari ishtirokida biznes forum boʻlib oʻtadi.

Oʻzbekiston va “Gazprom” hamkorlik boʻyicha yoʻl xaritasi imzoladi

© "Gazprom"Uzbekistan i "Gazprom" podpisali "dorojnuyu kartu" po sotrudnichestvu v gazovoy otrasli
Uzbekistan i Gazprom podpisali dorojnuyu kartu po sotrudnichestvu v gazovoy otrasli - Sputnik Oʻzbekiston, 1920, 24.01.2023
Obuna boʻlish
NovostiTelegram
Aleksey Miller va Oʻzbekiston energetika vaziri Joʻrabek Mirzamaxmudov oʻrtasida ishchi uchrashuv boʻlib oʻtdi.
TOSHKENT, 24 yanv — Sputnik. “Gazprom” rahbari Aleksey Miller va Oʻzbekiston energetika vaziri Joʻrabek Mirzamaxmudov gaz sanoati sohasida hamkorlik boʻyicha yoʻl xaritasini imzoladi. Bu haqda Rossiya kompaniyasi maʼlum qildi.

“Aleksey Miller va Oʻzbekiston respublikasi energetika vaziri Joʻrabek Mirzamaxmudov oʻrtasida ishchi uchrashuv boʻlib oʻtdi. Tomonlar oʻzaro hamkorlikning dolzarb va istiqbolli masalalarini koʻrib chiqdi. Uchrashuvda Aleksey Miller va Joʻrabek Mirzamaxmudov gaz sanoati sohasida hamkorlik boʻyicha yoʻl xaritasini imzoladi”, - deyiladi xabarda.

Kuni kecha Oʻzbekiston bosh vaziri Energetika vazirligi joriy yilda, jumladan, tabiiy gaz importi bilan bogʻliq masalalarni qayta koʻrib chiqishi lozimligini taʼkidlagandi. Vazirlik boshqa muqobil hamkorlar bilan muzokaralar oʻtkazishi, kelishuvlarga erishish boʻyicha oldindan barcha zarur tadbirlarni amalga oshirishi shartligi qayd etilgandi.
Rossiya prezidenti Vladimir Putin va Qozogʻiston prezidenti Qosim-Jomart Toqayev oʻtgan yil noyabr oyi oxirida Kremlda boʻlib oʻtgan uchrashuvda Rossiya gazini Qozogʻiston va Oʻzbekiston hududi orqali tashish boʻyicha harakatlarni muvofiqlashtirish uchun Oʻzbekiston ishtirokida “uch tomonlama gaz ittifoqi”ni tashkil etish masalasini muhokama qilgan edi.
“Rossiya, Qozogʻiston va Oʻzbekiston gaz sohasida, jumladan, gaz yetkazib berish va uni qayta ishlash sohasida hamkorlik qilish uchun katta salohiyatga ega”, - degandi Rossiya bosh vaziri oʻrinbosari Aleksandr Novak.
Oʻzbekiston energetika vaziri Joʻrabek Mirzamaxmudov dekabr boshida OAVga yoʻllagan videomurojaatida Oʻzbekiston qoʻshni davlatlardan gaz va elektr energiyasini qandaydir ittifoq orqali emas, balki tijorat shartnomalari asosida import qilish niyatida ekanini aytgan edi. Rossiya prezidenti matbuot kotibi Dmitriy Peskov ushbu kelishuv ishtirokchilarining barchasi faqat oʻzlarining tijorat manfaatlari maqsadida harakat qilishini nazarda tutishini taʼkidlagandi.

Mavzuga oid:

Kreml gaz ittifoqi qanday shartlarda tashkil qilinishini aytdi
Uch tomonlama gaz ittifoqini tuzishning qanday ijobiy tomonlari bor – Martsinkevich
Gaz ittifoqini tuzish gʻoyasida siyosiy oʻyin yoʻq – Lavrov
Mirziyoyev gaz boʻlmagan hududlarga suyultirilgan gaz yoki koʻmir yetkazish vazifasini qoʻydi
Gaz zaxiralarini koʻpaytirish uchun 10 yillik dastur qabul qilinadi – prezident
Yangiliklar lentasi
0