02:41 27 Noyabr 2020
Efir
  • RUB136.69
  • EUR12344.73
  • USD10414.86
Analitika
Havola olish
859 0 0

Dekabr oyining oxirida Vashington “Shimoliy oqim-2”ga qarshi sanktsiyalar kiritgandan soʻng shveytsariyalik pudratchi AllSeas Boltiq dengizida quvur yotqizishni toʻxtatib qoʻygandi. Gaz quvuri 94 foizga tayyor – atigi 160 kilometr quvurni payvandlab suv tubiga tushirish qolgan.

TOSHKENT, 6 fev - Sputnik, Aleksandr Lesnыx. Daniya Energiya agentligi (DEA) Nord Stream2 AG bilan “Shimoliy oqim-2” gaz quvurini qurishni yakunlash variantlarini muhokama qilmoqda, deb xabar qildi agentlik matbuot xizmati rahbari Ture Falbe-Xansen. Gap quvurlarni yotqizish uchun ruxsatnomaga qoʻshimchalar kiritish haqida bormoqda, buning natijasida qolgan ishlarni Rossiya kemalari bajarishi mumkin.

Minalar maydoni

Dekabr oyining oxirida Vashington “Shimoliy oqim-2”ga qarshi sanktsiyalar kiritgandan soʻng shveytsariyalik pudratchi AllSeas Boltiq dengizida quvur yotqizishni toʻxtatdi. Gaz quvuri 94 foizga tayyor – atigi 160 kilometr quvurni payvandlab suv tubiga tushirish qolgan.

Aftidan, AllSeas loyihaga qaytmaydi - yanvar oxirida “Gazprom” boshqaruvi raisining oʻrinbosari Yelena Burmistrova quvurni “Rossiya tomoni tugatishini” maʼlum qildi.

Yaqinda ishning qayta tiklanishidan qurilishdagi faollik dalolat beradi - 16 yanvar kuni koʻp funktsiyali Strill Explorer kemasi keldi. Bortda masofadan boshqariladigan suv osti transport vositalarida uch oʻlchovli fotogrammetriya va boshqa geofizik tadqiqotlar uchun uskunalar mavjud.

Keyinchalik “Shimoliy oqim-2” kema gaz quvuri yoʻnalishida tadqiqot olib borganligini tasdiqladi. DEA mutasaddisi Falbe-Xansenga koʻra, uning agentligi har kuni Strill Explorer᾽dan maʼlumot olmoqda.

Mutaxassislar ishonchi komil: bularning barchasi “Shimoliy oqim-2” ning DEA-dagi mavqeini mustahkamlaydi. Gap shundaki, Ikkinchi jahon urushidan beri Boltiqboʻyida juda koʻp miqdordagi bomba, oʻq va minalar suv ostiga choʻktirilganicha qolgan. Tasodifiy portlashlardan qoʻrqadigan Daniya, “Shimoliy oqim-2” qurilishi shartlaridan biri sifatida, quvur yotqizadigan kema zamonaviy dinamik joylashuv tizimiga (DP) ega boʻlishini talab qildi.

Bunday tizimlar kema boshqaruv sxemasiga integratsiya qilinadi va turli xil sensorlar, shuningdek, yoʻldoshlardan olingan maʼlumotlarga asoslanib avtomatik ravishda ishlaydi. Natijada, harakatga keltiruvchi va burib turguvchi kompleks kemani har qanday toʻlqin, oqim va shamolda ham aniq bir nuqtada ushlab turadi. Shu sababdan ham AllSeas bir paytlar pudratchi sifatida tanlangan: Shveytsariyaliklar barcha kerakli uskunalarga ega.

Rossiyada dinamik joylashishni aniqlash tizimiga ega bitta quvur oʻrnatish liniyasi mavjud faqatgina bitta – “Akademik Cherskiy”. Biroq, ushbu kema Saxalin-3 loyihasi boʻyicha - Kirinskiy va Janubiy Kirinskiy konlarida ishlash uchun shartnoma orqali ishga jalb qilingan. Uning “Shimoliy oqim-2” qurilishidagi ishtiroki deyarli istisno qilinadi.

Sanktsiyalarga qarshi tandem

Shuning uchun loyihani chet ellik pudratchilarsiz bajarishning yagona usuli - bu quvurlarni yotqizadigan ikkita barjadan foydalanish – “Mejregiontruboprovodstroy” (MRTS) kompaniyasiga tegishli boʻlgan “Fortuna” va “Defender”.

Aynan “Fortuna” ikki yil oldin “Shimoliy oqim-2”ning birinchi kilometrlarini Rossiyaning hududiy suvlarida yotqizgan edi. Muammo shundaki, u "Defender" kabi dinamik joylashishni aniqlash tizimiga ega emas. Shunday qilib, rasmiy ravishda, ikkala kemalar ham Daniya talablariga javob bermaydi.

Biroq, Nord Stream2 AG mutaxassislari quvur yotqizish barjalarini dinamik joylashishni aniqlash tizimi bilan jihozlangan kemalar bilan birgalikda ishlatishni taklif qilishdi. “Kamara” langar-izlovchisi “Fortuna” bilan, “Defender” bilan esa “Mustang” tandem boʻladi.

Ushbu sxema kerakli joylashishni aniqligini toʻliq taʼminlaydi. Yanvar oyi boshida Nord Stream2 AG Daniya atrof-muhitni muhofaza qilish agentligiga (DEPA) ushbu dengiz tandemlaridan foydalanish imkoniyati boʻyicha oktyabr oyida berilgan “Shimoliy oqim-2” qurilishi uchun ruxsatnomaga qoʻshimchalar kiritish toʻgʻrisida soʻrov yuborgan.

Kopengagen arizani koʻrib chiqish uchun qabul qilib, loyiha operatori bilan konstruktiv muzokaralar olib borganligi sababli, ijobiy natija ehtimoli juda katta. Buni “Kamara” langar-izlovchisi yaqinda “Shimoliy oqim-2” qurilishi uchun baza sifatida xizmat qiladigan Germaniyaning Mukran portiga kelganligi ham tasdiqlaydi.

Mutaxassislarning fikriga koʻra, Rossiya kemalari yordamida qurilishni davom ettirishga ruxsat mart oyida beriladi. Bunday texnologik sxema boʻyicha quvur yotqizish tezligi kuniga taxminan bir yarim kilometrni tashkil etadi. Bu shuni anglatadiki, gaz quvurining liniyali qismi iyulgacha toʻliq tayyor boʻladi. Sinov va gaz bilan toʻldirish yana ikki oy davom etadi va sentyabr oyida “Shimoliy oqim-2” ishga tushirilishi mumkin

Asosiy mavzular