11:50 26 Noyabr 2020
Efir
  • RUB136.69
  • EUR12344.73
  • USD10414.86
Analitika
Havola olish
472 0 0

Rossiyalik iqtisodchi Vasiliy Koltashov dushanbaga oʻtar kechasi sodir boʻlgan neft narxining keskin pasayishiga izoh berar ekan, bu jahon va xususan, Rossiya uchun qanday oqibatlarga olib kelishini aytib oʻtdi.

OPEK+ ishtirokchilari juma kuni qazib olishni qisqartirish boʻyicha kelishuvni uzaytira olmadilar, shu sababli neft narxlari quladi.

Natijada, Brent markasidagi neft narxi 27 foizga tushdi, bir barrel uchun 32 dollardan pastroq narxga tushib ketdi, WTI narxi esa bir barrel uchun 30 dollardan pastroq narxga tushdi.

Neft narxlarining pasayishi fonida xalqaro valyuta bozorida Amerika va Yevropa valyutalarining kurslari koʻtarildi.

Taʼkidlanishicha, neft narxining hozirgi pasayishi 1991 yildan keyin eng kuchli pasayish boʻldi.

Rossiyalik ekspert va Yangi jamiyat Instituti Siyosiy Iqtisodiy Tadqiqotlar Markazining rahbari Vasiliy Koltashovning fikricha, jahon bozorida neft narxlarining pasayishi asosan xom-ashyolarni qayta ishlaydigan mamlakatlar boyib borayotgani haqida yana bir eslatma boʻldi.

U neft narxi pasayishda davom etishini taʼkidladi.

"Bizning mamlakatimiz (Rossiya. - Sputnik) juda katta resurslarga ega. Shuning uchun neftni qayta ishlamay, qayta ishlashdan boʻladigan daromadni boshqalarga topshirish gunohdir. Bu, shuningdek, neft narxlari barqaror emasligi, noaniqligi, oldindan aytib boʻlmaydiganligida namoyon boʻladi, narxlar hali yanada pasayadi. Soʻnggi yillarda roʻy berayotgan voqealar bir xil mantiqda rivojlanmoqda. Unga koʻra narxlar bir barrel uchun 40 dollardan pastroqqa  tushishi mumkin", - deb hisoblaydi ekspert.

Uning soʻzlariga koʻra, hozirda egallanishi va ushlab qolinishi lozim boʻlgan bozorlar ulushlari uchun jiddiy kurash boshlanmoqda.

Shu bilan birga, Rossiya hozircha ishlab chiqarishni toʻxtatmasligi kerak, chunki bozor imkon qadar "tubga tushgan" taqdirda, bu pasayishni toʻxtatish va yoki aksincha narxlarni oshirishga yordam beradi.

Ammo, bu roʻy bergan taqdirda ham yozdan oldin boʻlmaydi, deb hisoblaydi Koltashov.

"Bu muddatlar, koʻproq xomqolip shaklidadir. Va xozircha iqtisodiy inqirozning yangi toʻlqini avj olayotgan bir pallada, garchi bu soʻz Jahon banki, Xalqaro valyuta jamgʻarmasi va Federal rezerv tizimini sodir boʻlayotgan voqealarda ayblamaslik uchun ochiqchasiga ishlatilishi yoʻlga qoʻyilmagan. Va bu tuzilmalar javobgar boʻlishi mumkin emasligi uchun, biz "virus!" deymiz. Qandaydir virus", - deb hazillashdi u.

Mutaxassisning toʻliq sharhini radio podkastda rus tilida tinglang.

Chto jdet neftyanoy rыnok: mneniye eksperta

Asosiy mavzular