11:38 27 Oktyabr 2020
Efir
  • RUB136.11
  • EUR12285.78
  • USD10359.88
Analitika
Havola olish
COVID-19 umumjahon pandemiyasi (1230)
496 0 0

Yevropa Ittifoqi Rossiyani koronavirus pandemiyasi atrofida notoʻgʻri maʼlumot tarqatishda aybladi. Sputnik International nashriga bergan intervyusida yevropalik mutaxassislar bu borada oʻz fikrlarini bildirdi.

Yevropa tashqi tashqi siyosiy faoliyat xizmati (EEAS) Rossiya davlati va “kremlparast” ommaviy axborot vositalari Gʻarbiy mamlakatlardagi inqirozni kuchaytirish uchun koronavirus pandemiyasi atrofida “dezinformatsiya kampaniyasini” boshlagani haqida bayonot berdi. Bu haqda The Financial Times gazetasi tashkilotning yopiq hisobotiga asoslanib yozdi.

Hisobot mualliflarining soʻzlariga koʻra, bunday kampaniyaning maqsadi “Yevropa jamiyatini ichidan yoʻq qilish”. Ularning fikricha, Rossiya ommaviy axborot vositalarining xatti-harakatlari COVID-19 tarqalishi bilan bogʻliq vaziyatga samarali javob berishga toʻsqinlik qilmoqda.

Sputnik International nashriga bergan intervyusida yevropalik ekspertlar ushbu bayonotni tanqid qildilar.

Global siyosat institutining katta ilmiy xodimi, falsafa doktori, "Tinchlik uchun bombalar: NATOning Yugoslaviyaga qarshi insonparvarlik urushi" kitobi muallifi Jorj Samuyelining fikriga koʻra, Rossiyaga qarshi ayblovlarning uydirma usullari Gʻarb uchun odatiy holga aylandi.

"Rossiyani Gʻarb jamiyatining boshida tushgan har qanday falokatda ayblash ommaviy axborot vositalari va tadqiqot markazlarining odatiy munosabatiga aylandi. Koronavirus bilan bogʻliq bu inqiroz boshlanganida, Rossiyani ayblash uchun imkoniyat topish vaqt masalasi boʻlib qolgan aniq. Virus goʻyo "Novichok" kabi Rossiyaning harbiy laboratoriyasida ishlab chiqarilgan deyish osonroq boʻlar edi. Ammo virus Xitoydan kelganligi va bu haqiqat uzoq vaqtdan beri maʼlum boʻlib kelganligi sababli, bu variantdan kechildi. Rossiyani virus haqida soxta "Feyk" xabarlarni  tarqatayotganligida ayblash qoldi holos. Shunga qaramay, hech kim Moskvadan kelayotgan virus haqida soxta "Feyk" xabarlar haqida biron bir misol keltirolmadi ... Rossiya koronavirus inqirozini jiddiy qabul qiladi va uning potentsial halokatli taʼsiri haqida hech qanday shubha bildirmaydi", - dedi Jorj Samuyeli.

Oʻz navbatida, jurnalist, "Soxta yangiliklar. Suriyadagi urushdan Myuller tergovigacha OAVdagi manipulyatsiya va tashviqot" kitobining muallifi Roberto Vivaldelli Yevropa elitalari Moskvaga qarshi foydasiz urushni davom ettirmoqda, degan fikrni bildirdi.

"Yevropa diplomatiyasining oʻz hisobotida Rossiyani koronavirus ustidan vahima tarqatib, Yevropa tartibini buzganlikda ayblashi sharmandali. Ushbu qiyin tarixiy bosqichda Yevropa va Rossiya koronavirus deb atalmish yangi dushmanga qarshi birlashishi kerak. Buning oʻrniga Yevropa elitalarining Moskvaga qarshi yangi va befoyda sovuq urush pandemiya bilan bir vaqtda davom etmoqda.... Yevropa diplomatiyasi Rossiyani yolgʻonda ayblamasdan kechirim soʻrashi kerak ", - dedi Roberto Vivaldelli.

Mavzu:
COVID-19 umumjahon pandemiyasi (1230)

Asosiy mavzular