05:38 01 Oktyabr 2020
Efir
  • RUB132.07
  • EUR12003.57
  • USD10321.21
Analitika
Havola olish
41411

Ozarbayjon Armaniston armiyasining tayanch punktiga zarba berganini maʼlum qildi. Davlat zamonaviy rivojlanishi instituti direktori Dmitriy Solonnikov mojaroning sabablari va uning oqibatlari haqida oʻz fikrlarini bildirdi.

Ozarbayjon Qurolli kuchlari Armaniston qurolli kuchlari tayanch punktiga zarba berdi, dushanba kuniga oʻtar kechasi chegaradagi vaziyat keskinligicha qoldi. Bu haqda berdi RIA Novostiga Ozarbayjon Mudofaa vazirligi matbuot xizmati maʼlum qildi.

Avvalroq Armaniston Mudofaa vazirligi Ozarbayjon dushanba kuni ertalabdan Armaniston pozitsiyalarini artilleriya qurollaridan oʻqqa tutishni boshlaganini maʼlum qilgan edi. Vazirlik rahbari shaxsiy tarkibga vazmin boʻlishni buyurdi.

Janglar ikki mamlakat chegarasidagi Tovuz tumani hududida 12 iyul, yakshanba kuni boshlandi. Ozarbayjon Mudofaa vazirligi talqiniga koʻra, harbiy pozitsiyalar Armaniston qurolli kuchlari boʻlinmalari tomonidan oʻqqa tutilgan. Shu bilan birga, Armaniston tomoni Ozarbayjonni tayanch nuqtasini egallashga urinishda va chegarani buzishda ayblamoqda.

Sputnik radiosi efirida Davlat zamonaviy rivojlanishi instituti direktori Dmitriy Solonnikov mojaroning sabablari toʻgʻrisida oʻz fikrlarini bildirdi.

“Bugungi kunda ikkala tomon uchun jiddiy toʻqnashuvlardan hech qanday maʼno yoʻq. Na Armanistonga, na Ozarbayjonga keng koʻlamli urushni boshlashni foydasi bor. Menimcha, gap qoʻmondonlikning quyi boʻgʻinidagi biron bir kelishmovchilik haqida ketmoqda. Balki bunga qachonlardir kuzatuvchilar aniqlik kiritishlari mumkin boʻladi. Hozirda YEXHT ushbu masalani oʻrganishda faol ishtirok etmoqda”, - dedi Dmitriy Solonnikov.

U tomonlarning bir-biriga nisbatan bildirgan ayblovlariga izoh berdi.

“Chegarani buzib oʻtish - bu jiddiy harbiy amaliyot. Bu yerda aytilishicha esa, bir necha kishi UAZ avtomashinasida chegarani kesib oʻtishga uringanligi aytilmoqda. Bu haqiqatan roʻy bergan boʻlsa, bu shunchaki mahalliy harbiylar tomonidan uyushtirilgan bezorilik, provokatsiya yoki ahmoqlikdir. Yoki boshqa versiya ham bor: Ozarbayjonning pozitsiyalariga qarata oʻt ochilishi - bu ham qandaydir mahalliy vaziyat. Bularning barchasi albatta tekshiriladi, ammo bu Bosh shtab yuqori idoralarida rejalashtirilmaganligi aniq”, - deydi ekspert.

Uning fikriga koʻra, tomonlar jiddiy toʻqnashuvlarning oldini olishlari mumkin.

“Oʻylaymanki, ikkala tomon ham ushbu mojaroning oqibatlarini minimallashtirishga harakat qiladi. Soʻng ular YEXHT orqali joriy keskinlik manbasini topishga harakat qiladilar. Katta urushdan hech kimga naf yoʻq, shuning uchun mojaro yanada kuchayishiga yoʻl qoʻymaydilar”, - deya xulosa qildi Dmitriy Solonnikov.

Asosiy mavzular