13:53 26 Sentyabr 2020
Efir
  • RUB136.28
  • EUR12210.60
  • USD10315.62
Analitika
Havola olish
561 0 0

2021 yilning birinchi kunidan boshlab Rossiyaga elektron qisqa muddatli viza bilan tashrif buyurish mumkin boʻladi. Bu jarayon toʻrt kundan koʻp boʻlmagan vaqtni oladi. Sputnik yangi tartibdan kimlar foydalanishi mumkinligini oʻrgandi.

Vladivostok va Uzoq Sharq federal okrugi, Kaliningrad viloyati, Sankt-Peterburg va Leningrad viloyatiga sayohat qilish uchun 53 ta davlat fuqarolariga elektron vizalar berish pilot loyihasidan soʻng - Rossiya mamlakatning istalgan mintaqasiga tashrif buyurish huquqini beruvchi elektron, qisqa muddatli vizalarni olish imkoniyatini joriy qilmoqda.

Oʻtgan juma kuni Rossiya prezidenti Vladimir Putin Rossiyaga qisqa muddatli tashriflar uchun 60 kungacha universal yagona elektron viza joriy qilinishini nazarda tutadigan federal qonunni imzoladi. Ushbu viza diplomatik, xizmat, oddiy, tranzit va vaqtincha yashab turish vizalari bilan bir qatorda alohida toifaga ega boʻladi.

Shu bilan birga, safarning davomiyligi 16 kundan oshmasligi kerak. Biroq, Rossiyaning Turoperatorlari uyushmasining (ATOR) Sputnik agentligiga bergan izohiga koʻra, statistika boʻyicha, chet el fuqarolarining Rossiya boʻylab safarlari oʻrtacha bir hafta davom etadi, shu sababli bu kunlar soni mamlakat hududida qisqa muddat davomida qolish uchun yetarli boʻladi.

113 mamlakat fuqarolari diqqatiga: Rossiya kirishni iloji boricha osonlashtiradi

Yangi vizani 2021 yil 1 yanvardan boshlab rasmiylashtirish mumkin boʻladi. Rossiya TIV eʼtibor shunga qaratadiki, Uzoq Sharq federal okrugi, Kaliningrad viloyati, Sankt-Peterburg va Leningrad viloyatiga elektron vizalar berish tajribasini oʻtkazish jarayonida muammoga duch kelingan - murojaat qiluvchilar koʻpincha arizani toʻldirishda xatolarga yoʻl qoʻymoqdalar, bu esa vizani rad etishga sabab boʻlmoqda. Yangi vizalar bilan bunday vaziyatlar roʻy bermasligi uchun saytga qoʻshimchalar kiritildi va soddalashtirildi.

Aynan qaysi davlatlar fuqarolari yangilikdan foydalanishi mumkinligi hozircha aniq emas.

"Xorijiy davlatlar roʻyxati RF hukumati tomonidan alohida tasdiqlanadi", - dedi Sputnik agentligiga Davlat dumasi jismoniy tarbiya, sport, turizm va yoshlar masalalari boʻyicha qoʻmitasi aʼzosi Natalya Kuvshinova.

Uning fikriga koʻra elektron qisqa muddatli viza talabgir boʻladi. Ushbu yangilik Rossiyada kirish turizmni rivojlantirishga qaratilgan, chunki bugungi kunda ustuvor yoʻnalishlar aynan ichki va kirish turizmdir, dedi deputat.

"Menimcha, bu bir qator chet davlatlari fuqarolarining qator davlatlardan aynan RFni tanlashga imkon beradigan mexanizmlardan biridir", - deb hisoblaydi Davlat dumasi deputati.

Ehtimol, fuqarolari elektron vizadan foydalanishlari mumkin boʻlgan mamlakatlar roʻyxatiga pilot loyihadan foydalanishi mumkin boʻlgan 53 davlat kiritiladi. Ular orasida Yevroittifoq mamlakatlari, Xitoy, Yaponiya, Turkiya, Hindiston. Ammo bu roʻyxatga muqaddam AQSH, Kanada va Buyuk Britaniya fuqarolari kiritilmagan va ehtimol ularda elektron qisqa muddatli vizani olish imkoni hanuz boʻlmaydi. TIVda taʼkidlashlaricha, ayrim hududlarga elektron vizalar bepul boʻlgan tajribadan farqli oʻlaroq, yangi viza 2021 yil yanvaridan pulli boʻladi. Narxi 50 dollardan oshmasligi taxmin qilinmoqda.

"Keyingi yil biz yangi elektron vizalar bugungi kunda amaldagi vizalardan qanchalik ommaviyroqligini bilib olamiz", - dedi deputat Kuvshinova.

RFga elektron vizalarni olish huquqiga ega boʻlgan 53 ta davlatdan tashqari, yana 60 ta mamlakat fuqarolari ikki tomonlama xalqaro shartnomalar qoidalari asosida Rossiyaga vizasiz kirish imkoniyatiga ega. Shunday qilib, TIVda taʼkidlashlaricha, 2021 yildan boshlab Rossiya hududiga qogʻozli vizani talab qilmaydigan kirishning eng liberal rejimi dunyo aholisining deyarli yarmini tashkil etuvchi - 4 milliardga yaqin chet el fuqarolariga nisbatan qoʻllaniladi.

Sayyohlar oqimi kamida 30 foizga oshadi

"Bu kirishni sezilarli darajada soddalashtirishdir, buni butun kiruvchi turizm koʻp yillar davomida orzu qilgan. Asosiysi, elektron vizani olish haqiqatda juda oson boʻlsin", - dedi Mayya Lomidze, Rossiya Turoperatorlari uyushmasi (ATOR) ijrochi direktori.

Uning fikriga koʻra, elektron qisqa muddatli viza, hatto eng pessimistik taxminlarga koʻra, sayyohlar oqimini kamida 30 foizga oshiradi. Shuning uchun Lomidze ishonchi komil - yangilik faqat ijobiy tomonlarni olib keladi va uning yagona minusi "eʼlon qilingan soddalashtirish aslida bunday boʻlib chiqmasligida" boʻlishi mumkin.

Oʻz navbatida, ATOR vitse-prezidenti Aleksandr Kurnosovning fikriga koʻra, hukumatning ushbu qarori sayyohlar oqimini hatto 40 yoki 50 foizga ham oshirishi mumkin, "va undan ham koʻproq, chunki vizalarni bekor qiluvchi yoki sezilarli soddalashtirishlarni amalga oshirgan boshqa mamlakatlarning tajribasi shuni koʻrsatadiki, bu taʼsir anchagina katta boʻlishi mumkin".

"Ushbu qaror turizm bozori uchun aynan juda qiyin paytda qabul qilinganidan juda mamnunman",-  dedi u.

Kurnosov viza rejimini yanada liberallashtirishga umid qilmoqda - "viza amal qiladigan davrni ikki oydan kamida olti oygacha yoki bir yilga uzaytirishga va, ehtimol, kunlar sonini 16 kundan 30 kungacha uzaytirishga".

Shuningdek, ATOR vitse-prezidenti elektron viza qoʻllaniladigan mamlakatlar sonini koʻpaytirishga umid qilmoqda, "chunki bu roʻyxatga Rossiyaga sayyohlarning kattagina sonini yuborgan davlatlar kiritilmagan - bu, masalan, AQSH va Buyuk Britaniya".

“Bu ijobiy boʻlardi, ammo barchasi siyosiy vaziyatga borib taqaladi”, - deya xulosa qildi Kurnosov.

Asosiy mavzular