23:52 24 Sentyabr 2020
Efir
  • RUB136.28
  • EUR12210.60
  • USD10315.62
Analitika
Havola olish
COVID-19 umumjahon pandemiyasi (1161)
160710

Gamaleya nomidagi NITSEM ishlab chiqaruvchilari Aleksandr Gintsburg va Denis Logunov hamda Rossiya toʻgʻridan-toʻgʻri investitsiyalari fondi bosh direktori Kirill Dmitriyev maqolada qanday maʼlumotlar keltirilgani va uning jahon ilm hamjamiyatiga ahamiyati haqida gapirdilar

TOSHKENT, 4 sen - Sputnik. Rossiyada COVID-19 ga qarshi Sputnik V vaktsinasi roʻyxatga olinganidan sal kam bir oy oʻtib, jahondagi eng obroʻli ilmiy jurnallardan biri - The Lancet bugun ikkita faza klinik tadqiqotlari natijalarini eʼlon qilmoqda. Bu Rossiya bilan bir qatorda xalqaro ilmiy hamjamiyat vakillari tomonidan kutilgan voqeadir.

Eʼlon qilingan materialda chet ellik ekspertlar tanqidlariga javob berish bilan birgalikda, uzoq kutilgan aniqliklar kiritib oʻtilgan - koronavirusga qarshi dunyoda birinchi boʻlib roʻyxatga olingan vaktsina boʻlgan rossiyalik olimlar ishlanmasi kasallikka qarshi kurashda samarador boʻlibgina qolmay, qoʻllanilishda ham xavfsizdir.

Maqolalar seriyasiga start

The Lancet 1 va 2-faza natijalarini eʼlon qilmoqda, Gamaleya nomidagi NITSEM ishlab chiqaruvchilarining ishonch bilan aytishicha, bu ilmiy jurnallarda chop etiladigan qator maqolalar sari birinchi qadam boʻladi.

Rossiya pervoy v mire zaregistrirovala vaktsinu ot koronavirusa
Ruptly / RFPI / WHO / Dmitriy Kurakin/Press-slujba Minzdrava Rossii

"Sentyabr oyida vaktsinaning hayvonlarda - sut-emizuvchilar, suriya ogʻmaxonlari, transgen sichqonlarda - oʻtkazilgan tadqiqotlari toʻliq chop etish uchun taqdim qilindi. Vaktsinalar himoya jihatdan 100% samaradorlikni koʻrsatgan (sut-emizuvchilar va suriya ogʻmaxonlari boʻyicha natijalar klinik sinovlardan oldin olingan). Vaktsina roʻyxatga olingach 40 ming nafar koʻngillilar ishtirokida ayni vaqtda boshlab yuborilgan klinik tadqiqotlar boʻyicha ilk natijalar oktyabr-noyabr oylarida chop etiladi", - deya aniqlik kiritgan Gamaleya markazi.

Xavfsizligi tasdiqlangan vaktsina

Gamaleya nomidagi NITSEM mutaxassislari oʻz ilmiy maqolalarida keltirgan asosiy xulosalardan biri - "Sputnik V" vaktsinasining xavfsizligidir. Ekspertlar vaktsinalashning 1 va 2-klinik fazalari tadqiqotlar natijalariga koʻra baho beriladigan bironta mezon boʻyicha jiddiy noxush holatlar aniqlashmagan. Hamma nomzod-vaktsinalar ham bunday natija bilan maqtana olmaydi, ularning ayrimlarida noxush jiddiy holatlar darajasi 25%ga yetadi.

Muddatdan oldingi immunitet

The Lancet chop etgan maqolada, shuningdek, "Sputnik V" vaktsinasi samaradorligining ilmiy dalillari keltirilgan. Misol uchun, uning ikki bosqichda kiritilishi kabi noyob texnologiyasi tufayli emlanganlar organizmida koronavirusga qarshi 100%lik immun javob hosil boʻladi.

Gamaleya nomidagi NITSEM direktorining ilmiy ishlar boʻyicha oʻrinbosari Denis Logunovning qatʼiy taʼkidlashicha, vaktsinani olganlarning barchasida 100% holatlarda gumoral va hujayra immun javobi kuzatiladi, bu insonni COVID-19dan ishonchli himoyalash uchun yetarli hisoblanadi.

"Emlangan koʻngillilardagi antitanachalar darajasi kasallanganlarga qaraganda 1,4-1,5 barobar koʻpligi aniqlandi - taqqoslash uchun - britaniyaning AstraZeneca farmatsevtika kompaniyasida vaktsinalangan koʻngillilar organizmidagi antitanachalar darajasi koronavirus infektsiyasini boshdan kechirganlarnikiga deyarli teng edi", - deydi rossiyalik mutaxassislar.

Ekspert qanday hollarda emlash mumkin emasligi haqida maʼlumot berdi >>>

Gamaleya nomidagi NITSEM "Sputnik V" vaktsinasining klinik tadqiqotlari doirasida barcha koʻngillilarda koronavirus bilan infektsiyalangan hujayralarni aniqlash va yoʻq qilish xususiyatiga ega CD4 +, shuningdek, CD8 + hujayralari bilan taqdim qilingan T-hujayrali immunitet shakllanganini tasdiqlaydi.

Vaktsina 100% holatlarda ish beradi

Inson adenovirus vektorlari asosida yaratilgan vaktsinalarda ilmiy jamoatchilikning eng katta havotirlaridan biri – ayrim odamlarda adenoviruslarga nisbatan oldindan mavjud boʻlgan immunitetning mavjudligi edi -  "Sputnik V"da esa aynan shunday usuldan foydalaniladi.

Boshqacha qilib aytganda, immunitetimiz organizmga vaktsinada "taksi" xizmatini bajarib, hujayralarga koronavirus tashqi qobiqlarining genetik materialini yetkazib beradigan adenoviruslarni zarur miqdorda oʻtkazmasligi mumkin, degan havotir mavjud edi (shunisi muhimki, koronavirusning oʻzi organizmga vaktsina bilan birga tushmaydi va bu holat koronavirus bilan infektsiyalanish imkoniyatini toʻliq yoʻqqa chiqaradi).

Odamlar tez-tez adenoviruslar (oddiy shamollash) bilan ogʻrishlari tufayli, ularda immunitet shakllangan boʻlishi mumkin, u amalda adenovirus vaktsinasi samaradorligini pasaytirishi mumkin. Ammo Gamaleya nomidagi NITSEM jamoasi tomonidan taqdim etilgan tadqiqotlar natijalari aksini isbotlamoqda: undan oldin mavjud boʻlgan immunitet vaktsinalash samaradorligiga taʼsir oʻtkazmaydi.

"Optimal xavfsiz dozirovka tanlangan boʻlib, u vaktsinalanganlarda 100% samarali immun javobni taʼminlaydi, hatto yaqinda adenovirus infektsiyasi bilan bemorlanganlarda ham. Bu tekshirilmagan platformalar asosida yaratilgan yangi vaktsinalar ahamiyatini pasaytiradi", - deya izoh berishdi ilmiy tashkilotda.

Bunday tekshirilmagan platformalar sifatida ayrim gʻarb kompaniyalari ishlanmalarini misol keltirish mumkin, ular inson adenoviruslariga nisbatan xavflar tufayli boshlangan edi. Bunday ishlanmalarning ayrimlari, misol uchun mRNK texnologiyasi (Moderna kompaniyasi vaktsinasi) yoki shimpanze adenovirusi (AstraZeneca kompaniyasi vaktsinasi), bunga qadar hech qachon roʻyxatga olingan vaktsinalarni yaratishda qoʻllanilmagan. Bunday preparatlar uzoq muddatli sinovlarga muhtoj, sababi ularning organizm reproduktivligi yoki yuzaga kelishi mumkin boʻlgan onkologik kasalliklarni keltirib chiqaruvchi yuqori kantserogen xususiyatlarga taʼsiri xavfi mavjud.

The Lancet jurnalida rossiyalik olimlar "Sputnik V" asosini tashkil qiluvchi platforma xavfsizligiga doir tadqiqotlarga havolalarni taqdim etishgan. "Xususan, 1953 yildan boshlab dunyoda ular negizida yaratilgan vaktsinalar va dorilar xavfsizligini tasdiqlovchi 250dan ziyod klinik tadqiqotlar oʻtkazilgan va 75ta xalqaro maqolalar chop etilgan", - deya tushuntiradi Denis Logunov.

"Odam adenovirusi vektorlariga asoslangan preparatlar amalda 15 yildan ortiq vaqtdan beri qoʻllanilib kelinmoqda. Xususan, bu Xitoyda 12 yildan ortiq vaqtdan beri qoʻllanilib kelinayotgan Ebola virusiga qarshi vaktsina va saratonga qarshi "Genditsin" preparatidir".

Ikki vektorli noyob texnologiya

Akademik Aleksandr Gintsburgning aytishicha, ikkita adenovirus - 5 va 26 serotipdan - ikkita alohida privivkada foydalanish "Sputnik V" vaktsinasining noyob xususiyati hisoblanadi.

Rossiyaning yangi COVID-19ga qarshi vaktsinasi haqida batafsil >>>

Bugungi kunda koʻplab ekspertlar tomonidan ikki bosqichli vaktsina koronavirusga qarshi immunitetni sezilarli kuchaytirishga qodir omil sifatida tan olingan. Ammo ikkita privivka uchun bittayu bitta vektorning ishlatilishi holatida immun tizimi himoya mexanizmlarini ishga tushiradi va ikkinchi ukolda preparatni rad etishni boshlaydi. "Sputnik V"da ikkinchi vektorning qoʻllanilishi bu muammoni toʻlaligicha hal etadi va keltirib oʻtilgan neytrallashtiruvchi taʼsirdan qochishga yordam beradi.

Gamaleya vs AstraZeneka

Ikki marta emlanadigan vaktsinani sinovdan oʻtkazish uchun koʻngillilar soni yetarli emasligi haqidagi tanqidlarga javoban, olimlar, ushbu tizim, masalan, nomzod-vaktsinalarni ishlab chiqishda yetakchi boʻlgan AstraZeneca kompaniyasiga qaraganda koʻproq odamlarda sinovdan oʻtkazilgani haqida eslatadilar. Britaniya farmatsevtika giganti oʻz vaktsinasining ikkita ukoli samaradorligini aniqlash uchun vaktsinaning 1 va 2 fazalarida 4 marta kam boʻlgan koʻngillilardan foydalangan.

"Rossiyaning "Sputnik V" vaktsinasining ikkita inʼyektsiyalari koʻrinishida oʻtkazilgan klinik sinovlarning 1 va 2 fazalarida ishtirok etganlar soni AstraZenecada ikkita inʼyektsiya kiritilgan subʼyektlarga nisbatan 4 barobar koʻp boʻldi",  - deya tushuntiradi RFPI bosh direktori Kirill Dmitriyev.

Yagona xavfsiz texnologiya

Oʻtgan haftada AQSH oziq-ovqat mahsulotlari va dorivor vositalari boʻyicha nazorat boshqarmasi joriy epidemiologik holatda nomzod-vaktsinalarni roʻyxatdan oʻtkazishni tezlashtirish jarayonidan foydalanilishi ehtimoli haqida eʼlon qildi, bu esa oʻn minglab koʻngillilarda uchinchi faza boʻyicha klinik tadqiqotlar oʻtkazilishi zaruratidan voz kechilishini anglatadi.

Buyuk Britaniya hukumati ham xuddi shunday yondashuvni qoʻllash toʻgʻrisida gap ochgan edi. Shu bilan birga ushbu davlatlardagi regulyatorlar faqatgina oʻz samaradorligi va xavfsizligini isbotlagan vaktsinalar tezlashtirilgan tartibda roʻyxatdan oʻtkazilishi mumkinligini qayd etishgan.

Bizning mutaxassislarimiz fikricha, bu talablarga javob beruvchi preparatlar soni unchalik ham koʻp emas.

"Bugungi kunda ushbu mezonlarga mos boʻlgan yagona texnologiya - inson adenoviruslari vektorlari asosidagi platformadir. U bir necha oʻn yilliklar davomida koʻpsonli tadqiqotlar natijasida oʻz xavfsizligini isbotlagan", - deydi Kirill Dmitriyev.

The Lancetdagi maqola - bu "uzil-kesil javob"

Rossiya toʻgʻridan-toʻgʻri investitsiyalari fondi bosh direktori Kirill Dmitriyevning tushuntirishicha, The Lancetdagi klinik sinovlar natijalarining chop etilishi joriy yil avgust oyida "Sputnik V" vaktsinasi roʻyxatga olingach "Rossiyaga qarshi qaratilgan savollar raundida qatʼiy javobdir".

Immunolog Rossiya vaktsinasi haqida: "u miltiq kabi, otishga shay" >>>

"Endilikda, oʻz navbatida, Rossiya ham xalqaro hamjamiyatga baʼzi savollarni yoʻllashi mumkin. Shimpanze adenovirusi yoki mRNK asosida yaratilgan vaktsinalarning uzoq muddatli samaradorligini isbotlovchi va ularni qoʻllash kantserogen xatarlar va  bepushtlikka olib kelmasligi haqidagi rasmiy maʼlumotlarni chop etishga chaqiramiz. Shu bilan birga nega AstraZeneca noxush salbiy taʼsirlar yuzaga kelganida, yuridik daʼvoni rad etishga bu qadar oyoq tirab turibdi, shu haqda tushuntirish berilsa, yomon boʻlmasdi", - deya taʼkidlaydi ekspert.

Mavzu:
COVID-19 umumjahon pandemiyasi (1161)

Asosiy mavzular