00:22 27 Oktyabr 2020
Efir
  • RUB133.19
  • EUR12153.63
  • USD10371.76
Analitika
Havola olish
104210

Urushdagi kontrpropaganda, odatga koʻra, dushman jangovar ruhini tushirish uchun ishlatiladi - bunda uning yoʻqotishlari soni boʻrrtirilib, oʻz shaxsiy yutuqlari ham ortiqcha kattalashtirilgan usuldan foydalaniladi

2020 yil sentyabr oyida Togʻli Qorabogʻda boʻlib oʻtgan Ozarbayjon va Armaniston oʻrtasidagi qurolli qarama-qarshilik haddan ziyod koʻp miqdordagi xabarlar tarqalayotgani bilan oldingilaridan farq qilmoqda, eʼtiborli jihati ushbu xabarlar eʼlon qilinishi bilan, shu onning oʻzidayoq qarshi tomon raddiyasi eʼlon qilinmoqda. Bu xalqaro kuzatuvchilarga vaziyatni tahlil qilish ishlarini qiyinlashtirmoqda, Boku va Yerevanning har qanday rasmiy bayonotlariga nisbatan ishonchsizlikni uygʻotmoqda.

Sentyabrdagi jangovar harakatlar kechgan kunlar davomida son-sanoqsiz miqdordagi shubhali raqamlar, faktlar, shaffof boʻlmagan epizodlar toʻplandi. Misol uchun, Armaniston Mudofaa vazirligi maʼlumotiga koʻra, 49ta ozarbayjon dronlari urib tushirilgan, ammo faqat bir dona uchuvchisiz uchish qurilmasi(UUQ)ning qoldiqlari fotosurati eʼlon qilingan. Oʻz navbatida, Ozarbayjon Mudofaa vazirligi 18ta arman UUQ, shuningdek, 80ta arman tanklari va butun boshli shaxsiy tarkib polki (ikki mingga yaqin kishi) yoʻq qilingani haqida xabar berdi. 

Oʻtgan oʻn yillik davomida tan olinmagan Togʻli Qorabogʻ Respublikasi hududida kechgan harbiy-siyosiy turbulentlik davomida Armaniston va Ozarbayjon jangovar holatda 20ga yaqin dronlarni yoʻqotgan edi. Front boʻyicha mudofaadagi pozitsiyalari bir kilometrni emas, undan koʻproq masofani egallaydigan arman polkini tezlikda yoʻq qilish uchun, ehtimol, ommaviy qirgʻin qurollari kerak boʻladi.

Lekin Armaniston Mudofaa vazirligi ham 790 nafar ozarbayjon harbiy xizmatchilari yoʻq qilinganligi haqida xabar qildi. Agar bu yoʻqotishlar rost boʻlsa, bunday tempda ikki armiya qishga yetib bormaydi. Eslatib oʻtaman, turli maʼlumotlarga koʻra, mobilizatsiyaga qadar Ozarbayjon 65 mingdan 125 minggacha "miltiqqa", Armaniston va tan olinmagan Togʻli Qorabogʻ esa - 65 minggacha amaldagi harbiy xizmatchilarga ega boʻlgan.

Armaniston Mudofaa vazirligi bayonotiga koʻra, 29 sentyabr kuni turk HHKga tegishli F-16 qiruvchisi ozarbayjonning Gyanja aerodromidan havoga koʻtarilgan va Vardenis tumani hududida Armanistonning Su-25 hujum samolyotini urib tushirgan. Uchuvchi mayor Valeriy Danelin qurbon boʻlgan. Samolyot qoldiqlari fotolari eʼlon qilingan, ammo ularga qarab fojia sabablarni aniqlashtirish juda qiyin.

Arman harbiy idorasi jangovar harakatlarga turk kuchlari jalb qilinganligini isbotlovchi toʻliq dalillarni taqdim etishni vaʼdasini bermoqda. Hozircha esa Ozarbayjon va Turkiya avia-zarba toʻgʻrisidagi maʼlumotlarni rad etishdi. Bokuning taʼkidiga koʻra, ular jangovar aviatsiyadan umuman foydalanmaydi.

Armaniston Respublikasi prezidenti yordamchisi Xikmet Gadjiyev maʼlumotlariga koʻra, ikkita arman Su-25 samolyoti togʻga urilib, portlagan. Bu singari hodisalar avval yaxshi koʻrinmaslik holatlarida - Armanistonda va boshqa davlatlarda yuz bergan. Samolyot texnik eskirganlik yoki Armanistonning Havodan hujumga qarshi mudofaa tizimlarining tasodifiy (doʻstona) oʻt ochishi tufayli ham qulagan boʻlishi mumkin. Mabodo arman Su-25 raqib tomonidan urib tushirilgan boʻlsa, Armaniston Mudofaa vazirligi mutaxassislari turk F-16 qiruvchisi parvozini nima yordamida kuzatishdi, va unda nega Ganja aerodromi boʻylab boʻlsa ham javob zarbasini yoʻllashmadi.

30 sentyabr kuni jurnalistlar bilan uchrashuvda Armaniston bosh vaziri Nikol Pashinyan Ozarbayjon (va F-16)ga qarshi Su-30SM qiruvchilari va "Iskander" OTRKlari ehtimoliy qoʻllanilishi xususidagi savolga toʻgʻri javob berishdan qochdi.

Rossiya va jahon hamjamiyatining aksariyat mamlakatlari Boku va Yerevanni zudlik bilan oʻt ochishni toʻxtatishga chaqiradi. RF prezidenti Vladimir Putin 29 sentyabr kuni Armaniston Bosh vaziri Nikol Pashinyan bilan boʻlgan suhbatda mojaro zonasidagi jangovar harakatlardan chuqur tashvishdaligini bildirdi, va deeskalatsiya zarurligiga eʼtibor qaratdi.

RF prezzidenti Vladimir Putinning ozarbayjonlik hamkasbi Ilhom Aliyev bilan muloqoti zarurat tugʻilganida boʻlib oʻtadi.

Asosiy mavzular