09:51 26 Yanvar 2021
Efir
  • RUB139.72
  • EUR12798.46
  • USD10518.99
Analitika
Havola olish
70940

Yevroosiyo iqtisodiy komissiyasi tavsiyasiga koʻra, barcha aʼzo mamlakatlarning isteʼmolchilar huquq va manfaatlarini himoya qilishga oid qonunchiligi bir-biriga moslashtiriladi va oʻsha huquqni yaxshiroq himoya qilishga imkoniyat yaratadi.

TOSHKENT, 16 dek - Sputnik. Oʻzbekiston isteʼmolchilar huquqlarini himoya qilish  jamiyatlari federatsiyasi raisi Jahongir Sarimsoqov YEOIIda kuzatuchi maqomi isteʼmolchilarga nima beradi, degan savolga javob berar ekan, ittifoqqa kirgan barcha mamlakatlarning isteʼmolchilari, qaysi mamlakat hududida yashab turganidan qatʼi nazar teng huquqqa ega boʻlishini qayd etdi, deb xabar bermoqda Sputnik Oʻzbekiston muxbiri.

Joriy yilning 11 dekabr kuni Oliy Yevroosiyo iqtisodiy kengashi tomonidan  Oʻzbekistonga Yevroosiyo iqtisodiy ittifoqida (YEOII) kuzatuvchi davlat maqomini berish toʻgʻrisida qaror qabul qilindi va ushbu qaror 15 dekabrda Oliy Majlisning Qonunchilik palatasi yigʻilishida maʼqullandi.

Sarimsoqovning soʻzlariga koʻra, YEOIIda kuzatuvchi maqomi:

  • birinchidan, Yevroosiyo iqtisoidy komissiyasi tavsiyasiga koʻra, barcha aʼzo mamlakatlarning isteʼmolchilar huquq va manfaatlarini himoya qilishga oid qonunchiligi bir-biriga moslashtiriladi va oʻsha huquqni yaxshiroq himoya qilishga imkoniyat yaratadi.
  • ikkinchidan, ittifoqqa kirgan barcha mamlakatlarning isteʼmolchilari, qaysi mamlakat hududida yashab turganidan qatʼi nazar teng huquqqa ega boʻladi.
  • uchinchidan, tovar va xizmatlarning umumiy bozori, ishlab chiqarilayotgan mahsulotlar xavfsizligiga boʻlgan yagona talablar isteʼmolchilarga xavfsiz va sifatli tovarlar xarid qilish imkonini beradi va ayni talablar YEOII hududidagi ishlab chiqaruvchilarning sifatsiz tovarlar ishlab chiqarishini yoki xizmatlar koʻrsatishini taqiqlaydi.

Yana bir eʼtiborli jihati, biror mamlakat fuqarosi boʻlgan isteʼmolchining huquqi boshqa biror aʼzo mamlakat hududida buziladigan boʻlsa, u oʻz huquqini talab qilib, isteʼmolchilar huquqini himoya qilish bilan shugʻullanadigan oʻsha mamlakatning davlat, nodavlat tashkilotlari, hatto sudga murojaat qilish huquqiga ega va ularning huquqi oʻsha mamlakat fuqarolariniki bilan teng taʼminlanadi, deydi ekspert.

Asosiy mavzular