13:15 17 Oktyabr 2018
Efir
  • RUB123.85
  • EUR9490.14
  • USD8208.04
Dilnoza Karimova i zamministra kulturы Uzbekistana, pevets Ozodbek Nazarbekov

Ozodbek Nazarbekov "Oʻzbekkontsert"ning qoʻshiqlar roʻyxatini tuzish qaroriga munosabat bildirdi

© Foto : Amir Isayev
Madaniyat
Havola olish
1840 0 0

Oʻzbekiston xalq artisti "Oʻzbekkontsert"ning xalqqa murojaatini "shoshilinch qaror", deya baholadi

TOSHKENT, 8 avg - Sputnik. Oʻzbekiston Madaniyat vazirining birinchi oʻrinbosari, Oʻzbekiston xalq artisti Ozodbek Nazarbekov "Oʻzbekkontsert"ning toʻy-hashamlarda kuylanadigan qoʻshiqlar roʻyxatini shakllantirish qarorini "shoshilinch qaror", deya baholadi, deb xabar qildi Sputnik Oʻzbekiston muxbiri.

"Oʻzbeklarda "sal shoshib qoʻyibdi" deyiladi-yu. Mana bu yerda ijodkorlar oʻtiribdi, bilishadiki, sanʼat asarlari xalqning fikridan kelib chiqib tanlanmaydi. Sanʼat asarlari xalq orasida targʻib qilinadi. Toʻyda nimani ijro qilaylik, degan masalani xalqga tashlashdan koʻra, uni targʻib qilish toʻgʻriroq boʻlardi", - dedi Nazarbekov bugun Toshkentda oʻtkazilgan matbuot-anjumani davomida.

Eslatib oʻtamiz, ilgariroq "Oʻzbekkontsert" davlat muassasasi toʻy-hashamlarda kuylanadigan qoʻshiqlar boʻyicha tavsiyaviy xarakterga ega boʻlgan maxsus yoʻriqnoma ishlab chiqish rejasini bildirgan edi. Muassasaning ushbu gʻoyasi internet foydalanuvchilari orasida qizgʻin muhokamalarga sabab boʻldi. Feysbuk foydalanuvchilari "Oʻzbekkontsert" bu ketishda yaqinda "tavsiya etiladigan kelinlar roʻyxati"ni shakllantirishiga ham shubha qilmasliklarini bildirgan edilar.

Asosiy mavzular