TOShKENT, 7 dek - Sputnik. Dushanbeda dekabr oyida migratsiya to‘g‘risida kino festivali bo‘lib o‘tadi, deb xabar qilmoqda Sputnik Tojikiston.
Tadbir Xalqaro migrantlar kuniga bag‘ishlangan. Kecha festivalning ochilish marosimi bo‘lib o‘tdi. Tomoshabinlar e’tiboriga “Xuddi o‘sha qayiqda” ("Na odnoy i toy je lodke") hujjatli film havola qilindi. Mazkur film O‘rta yer dengizidagi migrantlar hayoti haqida hikoya qiladi. Festival 18-dekabrgacha davom etadi.
Birinchi festival mamlakatda o‘tgan yili bo‘lib o‘tgandi. Rejissorlar muxlislarga 4 ta hujjatli filmni taqdim etishgandi.
Migratsiya zamonamizning dolzarb mavzularidan biridir, xususan, Markaziy Osiyo davlatlari uchun dolzarbligicha qolmoqda. O‘zbekiston bu yo‘nalishda muntazam ishlar olib borib, o‘z fuqarolari qabul qiluvchi davlatlar bilan hamkorlikni keng yo‘lga qo‘ymoqda, jumladan, migratsiya sohasida.
Joriy yil noyabr oxirida O‘zbekiston migratsiya bo‘yicha Xalqaro tashkilotning 173-chi a’zosiga aylandi. Xalqaro migratsiya tashkiloti Toshkentda va Termezda o‘z vakolatxonalarini ochishni rejalashtirmoqda.
