07:57 18 Sentyabr 2019
Efir
  • RUB146.51
  • EUR10421.13
  • USD9411.30
Prazdnovaniye Navruza v Uzbekistane

“Bahor” raqs ansambli faoliyati qayta tiklanadi

© Anvar Ilyasov / IA "Jaxon"
Madaniyat
Havola olish
30510

Madaniyat sohasida tijoratlashuv kuchayib borayotgani oqibatida “Bahor” ansamblining ijodiy faoliyati toʻxtab qoldi – deyilgan hujjatda.

TOSHKENT, 14 avg – Sputnik. “Oʻzbek milliy raqs sanʼatini yanada rivojlantirish chora-tadbirlari toʻgʻrisida prezident qarori loyihasi tayyorlandi.

“Taʼkidlash joizki, nafaqat mamlakatimizda, balki dunyoda mashhur boʻlgan Mukarrama Turgʻunboyeva nomidagi “Bahor” ansamblining raqslaridagi harakatlar bir-biriga mosligi, uygʻunligi va betakrorligi bilan inson ruhiyatiga maʼnaviy mazmun baxsh etib, oʻzbek milliy raqs sanʼati rivojlanish tarixida yangi sahifani ochib bergan edi. Biroq soʻnggi yillarda adabiy-badiiy jarayonlarda salbiy tendentsiyalarning paydo boʻlgani, xususan, madaniyat sohasida tijoratlashuv kuchayib borayotgani oqibatida “Bahor” ansamblining ijodiy faoliyati toʻxtab qoldi”, - deyilgan hujjatda.

Loyihada Madaniyat vazirligi, Oʻzbekiston kasaba uyushmalari Federatsiyasi, Respublika Maʼnaviyat va maʼrifat markazi, Oʻzbekiston kompozitorlari va bastakorlari uyushmasining davlat muassasasi shaklida Mukarrama Turgʻunboyeva nomidagi “Bahor” davlat raqs ansambli faoliyatini tashkil etish haqidagi taklifi maʼqullash taklif etilgan.

Mukarrama Turgʻunboyeva nomidagi “Bahor” davlat raqs ansambli faoliyatini tashkil etishga doir “yoʻl xaritasi”ni amalga oshirish boʻyicha ishchi guruh tarkibi, “yoʻl xaritasi” va “Bahor” davlat raqs ansamblining  tarkibiy tuzilmasi hujjatga ilova qilingan.

Qaror loyihasida davlat raqs ansambli 2025 yilgacha barcha soliq toʻlovlaridan ozod etish, ansamblga 4 ta yengil avtomobil, 2 ta katta sigʻimli avtobus va 1 ta yuk avtomashinasini xarid qilish uchun mablagʻlar ajratish vazifalari bayon etilgan.

Asosiy mavzular