12:21 16 Oktyabr 2019
Efir
  • RUB147.25
  • EUR10438.58
  • USD9455.24

“Issiq non” Oskar tanloviga yuboriladi

© k/f "Goryachaya lepeshka"
Madaniyat
Havola olish
216 0 0

Oʻzbekiston milliy kinokomissiyasi Oskar mukofoti uchun Oʻzbekiston nomidan qatnashadigan filmning nomini eʼlon qildi.

TOSHKENT, 25 sen – Sputnik. 2019 yilning 21 sentyabr kuni Oʻzbekiston milliy kinokomissiyasida Oskar mukofotining “Eng yaxshi xalqaro badiiy film” nominatsiyasiga Oʻzbekistonning bir qator kinoijodkorlaridan taqdim qilingan filmlar muhokamasi boʻlib oʻtdi, OʻzA xabariga asosan.

Muhokama natijasiga koʻra, Umid Hamdamovning “Issiq non” toʻliq metrajli badiiy filmi Oskar mukofotiga Oʻzbekiston nomidan ilgari surilishi toʻgʻrisida 23 sentyabr kuni oʻzbek kinosiga bagʻishlangan forumda tantanali ravishda eʼlon qilindi.

Ushbu yilgi Oskar mukofoti uchun shuningdek, Abduhalil Mingnorovning “Imom Termiziy”, Rihsiboy Muhammadjonovning “Qor yogʻmoqda, oppoq qor”, Abduvohid Gʻaniyevning “Elparvar”, Umid Hamdamovning “Issiq non”, Zulfiqor Musoqovning “Berlin-Oqqoʻrgʻon” hamda Ilhom Muhammadibrohimovning “Parvoz” deb nomlangan filmlar ham taqdim qilingan edi.

Asosiy mavzular