09:32 18 Noyabr 2019
Efir
  • RUB148.82
  • EUR10455.03
  • USD9490.77
Kontsert pevitsы Nargiz v Yerevane

"Viski, orsiz gaplar va xaos": Nargiz kontsertda oʻz fanatlarini shokka soldi

© Sputnik / Asatur Yesayants
Madaniyat
Havola olish
668 0 0

Tomoshabinlardan yana birining aytishicha, Nargiz sahnada turib oʻz muammolari haqida arz qilgan, xit taronalar oʻrniga esa tomoshabinlarni uyatsiz soʻzlardan iborat rok qoʻshiqlar bilan "siylagan".

TOSHKENT, 30 okt - Sputnik. Kecha kechga yaqin OAVlarda tomoshabinlar Nargiz Zokirovaning kontsertini uning "mast holatdagi hatti-harakatlari" tufayli tark etishgani haqida xabarlar tarqaldi.

Xabarlarga koʻra, artist oʻz chiqishi vaqti soʻkingan va tinmay alkogol isteʼmol qilgan.

"Tinimsiz soʻkinishlar, baqir-chaqir. Vaholanki, zalda oilaviy kelganlar ham bor edi. Kontsert tartibsiz tashkillashtirilgan, Nargiz tinimsiz viski ichar edi. Ixlosimiz qaytib, chiqib ketdik. Kontsert tugashini kutib oʻtirmadik", - deb hikoya qilgan MK nashriga kontsertga oilasi bilan borgan mahalliy yashovchilardan biri.

Tomoshabinlardan yana birining aytishicha, Nargiz sahnada turib oʻz muammolari haqida arz qilgan, xit taronalar oʻrniga esa tomoshabinlarni uyatsiz soʻzlardan iborat rok qoʻshiqlar bilan "siylagan".

RIA Novosti xabar berishicha, sal oʻtib xonandaning direktori Vladimir Korsunov Nargizning Ussuriyskdagi kontserti yaxshi oʻtgani, xonanda hech qachon oʻz chiqishlarini qoldirmasligini va tarqalgan mish-mishlarning barchasi yolgʻonligini taʼkidlagan.

"Mast edi", degani nimasi? Nargiz birorta kontsertini keyinga qoldirmadi, bularning hammasi koʻpirtirilgan yolgʻon: mish-mishlarga koʻra, goh u qoʻshiq kuylolmaydi, goh u gapirolmaydi. Bularning barchasi fitnaga yoʻgʻrilgan maqolalar, umuman olganda nega bunday boʻlayotgani shundoq ayon", - deb aytgan Korsunov.

Shu kunlarda Internet tarmogʻida Nargiz bilan yuz bergan mojarodan soʻng Maksim Fadeyevning yuragi xuruj qilgani haqida xabarlar tarqalgan edi.

Eslatib oʻtamiz, oʻtgan haftada Maksim Fadeyev Nargizning oxirgi intervyusiga izoh bergan edi.

Prodyuser, hech kim hech kimdan ketmaganligini, aksincha, uning oʻzi xonandani leybldan haydab yuborganiga oydinlik kiritgan.

Xonanda Nargiz Zokirova Alla Dovlatova ishtirokidagi kechki shouda Maksim Fadeyev bilan munosabatlari haqida gapirar ekan, prodyuser bilan hamkorlikda kechgan besh yilga "goʻyo qamoqda oʻtkazilgan yillar", deya baho bergan.

Nargizning soʻzlariga koʻra, ayni vaqtda hayoti pozitiv va ijodga limmo-lim.

Asosiy mavzular