TOShKENT, 8 apr - Sputnik. "Lazgi" xalqaro raqs festivalini o‘tkazish to‘g‘risidagi prezident qarori loyihasi muhokamaga qo‘yildi.
Hujjat loyihasiga ko‘ra, "Lazgi" xalqaro raqs festivalini 2022-yildan e’tiboran an’anaviy tarzda har ikki yilda bir marta sentabr oyining ikkinchi yarmida o‘tkazish rejalashtirilgan.
Festival doirasida o‘tkaziladigan ko‘rik-tanlov g‘oliblari Tashkiliy qo‘mita tomonidan diplom, statuetka va pul mukofotlari hamda qimmatbaho sovg‘alar bilan taqdirlanishi ko‘zda tutilgan.
Mazkur qarorning bajarilishini nazorat qilish O‘zbekiston Bosh vaziri Abdulla Aripov va O‘zbekiston prezidentining maslahatchisi Abdujabbor Abduvaxitov zimmasiga yuklatilgan.
