18:57 21 Oktyabr 2020
Efir
  • RUB133.19
  • EUR12153.63
  • USD10371.76
Madaniyat
Havola olish
139 0 0

Ushbu koʻrgazma Rossiya yangi tarixida oʻzbek kinematografiyasi durdonalarining eng katta namoyishi boʻladi.

TOSHKENT, 21 sen - Sputnik. Moskvadagi Davlat Tretyakov galereyasida "Mangu emas!1968-1985." koʻrgazmasi doirasida "Oʻzbekcha yangi toʻlqin" kinodasturi ochildi, deb xabar qildi "Oʻzbekkino" milliy agentligi. 

Oʻzbekiston Respublika Kinofondi bilan hamkorlikda tashkil etilgan ushbu tadbirda Shuhrat Abbosov, Ali Hamroyev, Qamara Kamolova, Damir Salimov, Elyor Ishmuhamedov, Ravil Botirovlarning 1960 - 1970 yillarda yaratgan filmlari namoyish etiladi.

Kinokoʻrgazma 19 sentyabr kuni soat 15.30 da "Oʻzbekfilm" nufuzini koʻklarga koʻtargan Shuhrat Abbosovning "Mahallada duv-duv gap"filmi bilan boshlandi. Namoyish Yangi Tretyakov galereyasining Katta zalida Rossiya Davlat Kinofondi kollektsiyasida saqlanayotgan 35 mm li hajmdagi nusxasi namoyish etiladi, - deb maʼlum qilgan Tretyakov galereyasining kinodasturlar boʻlimi boshligʻi Maksim Pavlov.

"Oʻzbekcha yangi toʻlqin" kinodasturi tomoshabinlarga "Mahallada duv-duv gap", "Sen yetim emassan!", "Toshkent - non shahri!", "Nafosat", "Sevishganlar", "Uchrashuv", "Surayyo", "Laylak keldi-yoz boʻldi", "Olmos", "41 yil olmalari", "Matonat", "Yettinchi oʻq", "Achchiq danak", "Inson qushlar ortidan boradi", "Mevazorlik ayol", "Muxlis", "Abu Rayhon Beruniy", "Yovvoyi" kabi mumtoz filmlarni inʼom etadi. 

Taʼkidlash joizki, oʻzbek kinematografiyasining bunday katta hajmdagi kinoasarlari namoyishi sovet davridan keyin Rossiyada ilk bor oʻtkazilmoqda, deyiladi xabarda. 

Kinodasturga atoqli kinoshunos Nigora Karimova va "Oʻzbekkino" Milliy agentligi huzuridagi Respublika Kinofondi rahbari Eljon Abbosovlar rahbarlik qilishmoqda.

 

Asosiy mavzular