11:43 22 Oktyabr 2020
Efir
  • RUB133.19
  • EUR12153.63
  • USD10371.76
Madaniyat
Havola olish
161 0 0

“Oʻzbekiston va Rossiya oʻrtasidagi hamkorlikni rivojlantirishda vatandoshlar oʻrni” mavzusida onlayn muloqot oʻtkazildi.

TOSHKENT, 1 okt — Sputnik. Oʻzbekiston va Rossiya xalqlari oʻrtasida xalq diplomatiyasi rivojlanadi. Bu haqda Tashqi mehnat migratsiyasi agentligi xabar qilmoqda.

Xabarda yozilishicha, Oʻzbekistondagi Shanxay hamkorlik tashkilotining xalq diplomatiyasi markazi tomonidan Tashqi ishlar vazirligi, agentlilik, Rossiyadagi oʻzbek diasporalari va boshqa tashkilotlar hamkorligida “Oʻzbekiston va Rossiya oʻrtasidagi hamkorlikni rivojlantirishda vatandoshlar oʻrni” mavzusida onlayn muloqot oʻtkazildi.

Uchrashuvda Oʻzbekistonda iqtisodiy-ijtimoiy, taʼlim, madaniyat, sport va boshqa sohalarni rivojlantirish, uning obroʻsini oshirish, tashqi dunyo bilan munosabatlarni mustahkamlashda Rossiyadagi vatandoshlar tajribasidan foydalanish,  milliy urf-odatlarimiz, oʻzbek tilini, xususan, madaniyatimiz va qadriyatlarimizni asrab-avaylash kabi masalalar muhokama qilindi.

Prezidentning 2018 yil 25 oktyabrdagi “Xorijda istiqomat qilayotgan vatandoshlar bilan hamkorlik sohasida oʻzbekiston respublikasi davlat siyosatini yanada takomillashtirish chora-tadbirlari toʻgʻrisida”gi qarori va boshqa meʼyoriy-huquqiy hujjatlar ijrosi yuzasidan tashkil etilgan tadbirda Oʻzbekiston va Rossiya xalqlari oʻrtasida xalq diplomatiyasini rivojlantirish, yaqin qoʻshnichilik va hamjihatlikni mustahkamlashda xorijdagi oʻzbek milliy-madaniy markazlarining oʻrni va ahamiyati haqida soʻz yuritildi.

Asosiy mavzular