15:41 28 Noyabr 2020
Efir
  • RUB136.69
  • EUR12344.73
  • USD10414.86
Madaniyat
Havola olish
157 0 0

Kartina syujetida Chirchiq va Angren shahri hamda Chorvoq suv ombori atrofida mashhur sovet boksyori Valeriy Popenchenko hayoti va faoliyati aks etgan

TOSHKENT, 30 okt - Sputnik. Rossiya Federatsiyasi "Kinodom" ijodiy uyushmasi vakillari navbatdagi filmni suratga olish maqsadida Toshkent viloyatiga tashrif buyurishdi. Bu haqda Toshkent viloyati turizmni boshqarish departamenti xabar bermoqda.

"Ayni paytda, kino ijodkorlar Chirchiq va Angren shahri hamda Chorvoq suv ombori atrofida mashhur Sovet boksyori Valeriy Popenchenko hayoti va faoliyati aks etgan "Mister Nokaut" filmini tasvirga olish ishlarini boshlagan", - deyiladi xabarda.

Ayni vaqtda, suratga olish ishlarini davom ettirish uchun joyni tanlash ishlari olib borilayotgani qoʻshimcha qilingan.

Eslatib oʻtamiz, "Mr. Nokaut" filmi bosh rejissyori Artem Mixalkov oktyabr oyi oʻrtalarida Oʻzbekistonga kelgan edi. Bosh qahramonni Viktor Xorinyak ijro etishi maʼlum. Murabbiy roliga Sergey Bezrukovni taklif etish rejalashtirilgan edi. Byudjeti 200 million rublni tashkil etadigan kartinani joriy yilning oʻzida prokatga chiqarish moʻljallanmoqda. Filmning suratga olish ishlari Rossiya, Oʻzbekiston, Polsha va Yaponiyada boʻlib oʻtadi.

Asosiy mavzular