TOShKENT, 30-iyun — Sputnik. Xitoy O‘zbekistonga 2,7 mlrd dollarlik kredit taqdim qiladi. Bu haqda O‘zbekiston Prezidenti Islom Karimov Xitoy raisining O‘zbekistonga tashrifi doirasida O‘zbekiston Respublikasi Oliy Majlisi Senati a’zolari va Qonunchilik palatasi deputatlari oldida so‘zlagan nutqida ma’lum qilgan.
"Bugun Xitoy Xalq Respublikasi Raisi Si Szinpin janoblarining mamlakatimizga davlat tashrifi doirasida o‘zaro hamkorligimiz istiqbollari va ustuvor yo‘nalishlarini belgilab beradigan ko‘plab hujjatlar imzolandi. Ularning orasida Xitoy tomonidan O‘zbekistonga kredit sifatida 2,7 milliard dollar ajratilishi va umumiy qiymati 6,2 milliard dollarlik obektlar qurilishini nazarda tutadigan hujjatlar borligini alohida ta’kidlamoqchiman", — deb ta’kidlagan o‘z nutqida Islom Karimov.
O‘zbekiston prezidenti o‘z nutqida, shuningdek, O‘zbekiston va Xitoy muzokaralar natijalariga ko‘ra ko‘plab hujjatlar imzolangani, bu hujjatlar o‘zaro hamkorlikning istiqbollari va ustuvor yo‘nalishlarini belgilashini ta’kidlab o‘tgan.
So‘zimning yakunida bir fikrni alohida ta’kidlab aytmoqchiman: Xitoy xalqining farovonligi — bu O‘zbekiston xalqining farovonligi. O‘zbekiston xalqining farovonligi — bu Xitoy xalqining farovonligidir", — deya o‘z nutqiga yakun yasagan prezident.
