TOShKENT, 17 dek — Sputnik. "Xolidey" kompaniyalari guruhiga kiruvchi "Port" kompaniyasi O‘zbekistondan xo‘l meva yetkazib berish bo‘yicha shartnomani imzoladi, deb xabar qildi Sputnik O‘zbekiston muxbiriga "O‘zagroeksport" kompaniyasidagi manba.
Manbaning so‘zlariga ko‘ra, umumiy qiymati bir million dollarga teng meva-sabzavotlar dekabr oyi oxirida Rossiyaga jo‘natiladi va Yangi yil arafasida rossiyaliklar ulardan bahramand bo‘lishlari mumkin. 2017-yilda kompaniya O‘zbekistondan haftasiga 150 tonnadan meva va sabzavotlarni import qilishni rejalashtirmoqda.
Eslatib o‘tamiz, 2016-yil hisobida O‘zbekiston xorijga 700 tonna qishloq xo‘jalik mahsulotlarini eksport qilgan, yil oxiriga qadar bu ko‘rsatkich bir millionga yetkazilishi nazarda tutilgan.
"Xolidey" kompaniyasi Sibirdagi eng yirik oziq-ovqat eksporti bilan shug‘ullanuvchi riteyllardan biridir. Kompaniya filiallari Sibir Federal okrugining yettita regionida joylashgan. Ushbu regionlarda esa gipermarket, supermarket singari turli formatlardagi 484ta do‘kon faoliyat yuritadi.
