Farg‘ona markazidan eng chekka anklav hududga avtobus harakati qayta tiklandi

Obuna bo‘lish
Aprel oyi oxiridan Farg‘ona va Shohimardon o‘rtasida 2013-yilda yopilgan avtobuslar qatnovi qayta tiklandi

TOShKENT, 10-may — Sputnik. Farg‘ona shahri va Shohimardon posolkasi o‘rtasida 2013-yilda yopilgan avtobus qatnovi qayta yo‘lga qo‘yildi, deb xabar qildi O‘zbekiston avtomobil va daryo transporti agentligi matbuot-xizmati.

Aloviddin Sultonov - Sputnik O‘zbekiston
Farg‘ona viloyati IIB boshlig‘i OAV vakillari oldida hisobot berdi
"…viloyat hokimining tashabbusi bilan O‘zbekiston avtomobil va daryo transporti agentligi Farg‘ona viloyati bo‘limining ko‘magida viloyatimizning eng chekka anklav hududi bo‘lmish Farg‘ona tumanining Shohimardon qishlog‘ini viloyat markazi Farg‘ona shahri bilan bog‘lovchi "Shohimardon-Farg‘ona" avtobus yo‘nalishi qayta yo‘lga qo‘yildi", — deyilgan xabarda.

Qayd etilishicha, ushbu yo‘nalish Farg‘ona shahrida faoliyat ko‘rsatayotgan “Farg‘ona Oltin Vodiy Navkari” MChJ tomonidan amalga oshirilmoqda.

Yo‘nalishda ikki dona Isuzu avtobusi harakat qilmoqda.

Korxona tomonidan aholining talab-yextiyojiga qarab turib ushbu yo‘nalishda ishlovchi avtobuslar sonini 4 donagacha yetkazish rejalashtirilmoqda.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0