17:55 26 Yanvar 2021
Efir
  • RUB139.72
  • EUR12798.46
  • USD10518.99
Iqtisod
Havola olish
77610

Oʻzbekistonda bir yil ichida qishloq xoʻjaligi texnikasiga xizmat koʻrsatish tizimining mutlaq yangi, zamonaviy uslubi va texnologiyalari tadbiq qilinadi.

TOSHKENT, 22 may — Sputnik. Oxirgi 5-7 yil davomida qishloq xoʻjalik texnikasiga xizmat koʻrsatish tizimi sekin asta turgʻullikka tushib bordi. Uning rivojlanishiga,  yagona uslubda yondoshuv boʻlmaganligi hamda surunkali mablagʻ yetishmasligi toʻsqinlik qilib keldi, deb xabar qildi "Oʻzagrotexsanoatxolding" vakili Sputnik muxbiriga.

"Mazkur tarmoqda oxirgi yoʻllarda katta muamolar toʻlanib qolganligi hammaga maʼlum. Hozirgi kunda biz yil yakuniga qadar vaziyatni tubdan oʻzgartishish boʻyicha ishlar olib bormoqdamiz. Xususan, yil davomida 175 ta faoliyat koʻrsatayotgan mashina-traktor parklardan 40 tasi zamonaviy yuqori unumli texnikalar bilan taʼminlanadi. Bu avvalo, gʻalla oʻrib-yigʻadigan kombaynlar, zamonaviy yuqori unumli yer haydaydigan va agʻdaradigan traktorlar, omochli traktorlar va seyalkalar", — deb taʼkidladi "Oʻzagrotexsanoatxolding" AJ vakili.

Yangi dasturning ahamiyatli tomoni, bu — mashina-traktor parklarda zamonaviy taʼmirlash stantsiyalar barpo etilishidir. Stantsiyalar ushbu parklar oʻzida yoki bevosita dalalarda texnikalarni tuzatish ishlari amalga oshirish mumkin boʻladi. Bu oʻz navbatida fermerlar uchun taʼmirlash ishlarining tan narxi pasayadi va dalalarda ish unumdorligini oshiradi. Dalalarda ish eng qizin mavsumida fermerlar uchun juda muhim boʻladi.

Shu bilan birga, texnik xizmat koʻrsatish tizimi avtomatlashtiriladi. Xususan, barcha mashina-traktor parklar Toshkentda joylashgan markaziy boshqarma bilan yagona avtomatlashtirilgan tarmoqqa ulanadi. Ushbu loyihaning narxi qariyb 12 mln dollardan oshadi.

Eslatib oʻtamiz, 2016 yil oxirida tashkil etilgan "Oʻzagrotexsanoatxolding" kompaniyasi qishloq xoʻjaligi texnikasi ishlab chiqarish, sotish va servis xizmati koʻrsatish hamda qishloq xoʻjaligi mahsulotlari ishlab chiqaruvchilariga mexanizatsiyalashgan xizmatlar koʻrsatishga ixtisoslashgan. Kompaniya tarkibiga respublikaning yirik qishloq xoʻjalik mashinasozlik korxonalari kiritilgan.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Asosiy mavzular