TOShKENT, 25 sen — Sputnik. Tatariston prezidenti Rustam Minnixanovning O‘zbekistonga tashrifi davomida sog‘liqni saqlash, axborot texnologiyalari sohalarida hamkorlik haqida hujjatlar imzolandi, deb xabar qilmoqda RIA Novosti.
Rustam Minnixanov 23-sentabr kuni O‘zbekistonga kelgan edi. tashrif davomida Minnixanov Samarqandda bo‘lib, O‘zbekiston birinchi prezidenti Islom Karimov qabrini ziyorat qilishni rejalashtirgan.
Shuningdek Tatariston rahbari O‘zbekiston prezidenti Shavkat Mirziyoyev bilan ham uchrashi rejalashtirilgani ma’lum.
"Bizning hamkorligimiz darajasi imkoniyatlarimizga to‘g‘ri kelmaydi, avvalombor iqtisodiyot sohasida", — dedi Minnixanov, O‘zbekiston va Tatariston biznes-forumida so‘zga chiqib.
Minnixanov aytishiga qaraganda, Tatariston O‘zbekistonda elektro va gidroenergetika obyektlari qurish va modernizatsiya qilishda, mashinasozlik mahsulotlari yetkizib berishga hamda tibbiyot sohasida aloqalarni rivojlantirishga qiziqish bor.
"Va albatta neft va gaz kimosi — bu sizda ham bizda ham ustuvor yo‘nalishlardan biridir", — dedi Tatariston rahbari.
Uning so‘zlariga ko‘ra, ikki mamlakat orasidagi mahsulot ayrboshlash o‘tgan yili bor-yo‘g‘i 50 million dollarni tashkil qilgan.
"Biz yaqin muddat ichida ushbu hajmni ikki yoki uch baravarga ko‘paytirishga kelishib oldik", — dedi o‘z navbatida O‘zbekiston bosh vazir o‘rinbosari Gulamjon Ibragimov.
Uning so‘zlariga ko‘ra, ushbu maqsadga erishishda Tatneft, KamAZ, KMPO va "Kazximfarm" kompaniyalarining O‘zbekiston bozoriga kelishi yordam beradi.
Bo‘lib o‘tgan biznes forumda, shuningdek sog‘liqni saqlash, turizm, axborot texnologiyalari sohalarida ham shartnomalar imzolandi.
Xususan, tibbiyot sohasida O‘zbekistonda simulyatsion o‘quv markazi tashkil qilish, shuningdek O‘zfarmsanoat va "Zavod imeni Sergo" ishlab chiqarish uyushmasi orasida shartnomalar imzolandi. Axborot texnologiyalari sohasida O‘zbekiston Axborot va kommunikatsiyalar vazirligi va Tatariston axborotlashtirish vazirligi orasida shartnomalar imzolandi.
Tashrifi davomida, Minnixanov O‘zbekistonda yashayotgan tatarlar diasporasi bilan ham uchrashdi. Prezident Alisher Navoiy nomli opera va balet Katta teatrida Tatariston san’at arboblari konsert dasturini tomosha qildi.
