TOShKENT, 4 okt – Sputnik. Rossiya Sanoat va savdo vaziri Denis Manturov O‘zbekiston bir necha yil ichida paxta xom ashyosi eksportini butunlay to‘xtatib tayyor va yarim tayyor mahsulot esportiga o‘tishi mumkinligini aytdi, Sputnik muxbiriga asosan.
“O‘zbekistondan paxta sotib olish hajmi kamayib borayotgani sababi – biz u redan yarim tayyor mahsulot sotib ola boshladik. Xususan, yigirilgan ip sotib olish hajmi oxirgi yilda ikki baravar oshdi”, — dedi Denis Manturov.
"Bugungi kunda O‘zbekistonda paxtani qayta ishlash quvvati yetarli darajada tashkil qilingan. Shu sababdan, mening fikrimcha, O‘zbekiston yaqin orada paxta eksportini umuman bekor qilib uni mamlakat hududida qayta ishlashni yo‘lga qo‘yadi", — deb so‘zini davom ettirdi vazir.
“Biz esa O‘zbekistondan yarim tayyor va tayyor mahsulotlar sotib olishda davom etamiz. Xususan, shu kunlarda O‘zbekistonda ixtisoslashgan harbiy kiyim tikish korxonasi tashkil qilish imkoniyatini ko‘rib chiqmoqdamiz”, — dedi Rossiya Sanoat va savdo vaziri.
Shu kunlarda Toshkentda Rossiya – O‘zbekiston biznes forumi bo‘lib o‘tmoqda. Unda ishtirok etish uchun Denis Manturov boshchiligidagi Rossiya delegatsiyasi va bir necha kompaniya vakillari O‘zbekistonga tashrif buyurishgan edi.
